Tags-Hawa

darāz dast-e-tamannā nahīñ kiyā maiñ ne
karam tumhārā musalsal nahīñ huā ab tak

baras kuchh aur mirī jaan TuuT ke mujh par
ye ḳhitta jism kā jal-thal nahīñ huā ab tak

na aayā baaz vo 'nāyāb' apnī fitrat se
vafā kā shahr bhī jañgal nahīñ huā ab tak

tujhe kyā huā hai batā ai dil na sukūn hai na qarār hai
kabhī us hasīn kī chaah hai kabhī us nigār se pyaar hai

lo phir tire laboñ pe usī bevafā kā zikr
ahmad 'farāz' tujh se kahā na bahut huā

kitnā mushkil huā javāb mujhe
kitnā āsān thā savāl us kā

mujhe gherā huā hai nafratoñ ne
na daa.eñ hai na hai baa.eñ mohabbat

kaun guzrā thā mehrāb-e-jāñ se abhī ḳhāmushī shor bhartā huā
dhund meñ koī shai juuñ damaktī huī ik badan sā badan se ubhartā huā

sarf kartī huī jaise saa.at koī lamha koī farāmosh kartā huā
phir na jaane kahāñ TuuT kar jā girā ek saaya saroñ se guzartā huā

ek umr-e-gurezāñ kī mohlat bahut phailtā hī gayā maiñ ufuq-tā-ufuq
mere bātin ko chhūtī huī vo nigah aur maiñ chāroñ taraf paañv dhartā huā

ye jo uḌtī huī sā.at-e-ḳhvāb hai kitnī mahsūs hai kitnī nāyāb hai
phuul palkoñ se chuntī huī raushnī aur maiñ ḳhushbueñ tahrīr kartā huā

mere bas meñ the saare zamān-o-makāñ lek maiñ dekhtā rah gayā iin o aañ
chal diyā le ke chuTkī meñ koī zamīñ āsmāñ āsmāñ gard kartā huā

apnī maujūdgī se thā maiñ be-ḳhabar dekhtā kyā huuñ aise meñ yak-dam idhar
qat.a kartī huī shab ke pahlū meñ ik aadmī TūTtā aur bikhartā huā

dard tanhā.ī kī paslī se nikal kar aayā
raat kā haath lagā aur havā TuuT ga.ī

dhuup meñ tezī nahīñ
aise aatā hai har ik jhoñkā havā kā jaise

ik parinda kisī ik peḌ kī Tahnī pe chahaktā hai kahīñ
ek gaatā huā yuuñ jaatā hai dhartī se falak kī jānib

band kamre meñ huuñ aur koī darīchā bhī nahīñ
kisī dastak kā laraztā huā jhoñkā bhī nahīñ

ab mirā dard mirī jaan huā jaatā hai
ai mire chāragaro ab mujhe achchhā na karo

huā merī rūdād par hukm āḳhir
ki mash.hūr aise fasāne bahut haiñ

but-ḳhāne se dil apne uThā.e na ga.e
ka.abe kī taraf mizāj laa.e na ga.e