Tags-Hawa

kal talak vo bāñTtī ḳhushbū rahī
ab havā kī chheḌ-ḳhāni aur hai

chīñtiyoñ se phir mirā va.ada huā
ek koshish āzmānī aur hai

mehrbāñ phūloñ pe lagtī thī havā
bahte paanī kī ravānī aur hai

zamīñ pe āmad-e-ādam kā shor barpā huā
vagarna rizq farishtoñ meñ baTne vaalā thā

muflis ke diye kī sī tirā dāġh-e-dil apnā
ik shab na jalā bas-ki huā shaam se ma.azūl

sūkhe hue tālāb kī kyā jeb talāshī
sadiyoñ kā vo pheñkā huā patthar na milegā

āñkhoñ ko kahīñ duur ḳhalā.eñ na uchhālo
khoyā huā sapnoñ kā samundar na milegā

chalo achchhā huā raftār to kam ho ga.ī par
bichhaḌ jaane ko ab bhī fāsla kaafī nahīñ hai

ho gayā jis ko vo huā tanhā
ishq bhī ik azaab hai koī

jab shaam huī maiñ ne qadam ghar se nikālā
Duubā huā ḳhurshīd samundar se nikālā

jab chāñd numūdār huā duur ufuq par
ham ne bhī parī-zād ko patthar se nikālā

phañsā huā hai mire haath kī lakīroñ meñ
mirā humā-e-mqaddar pukārtā hai mujhe

havā ke paañv to shal ho ga.e the raste meñ
ye kaun pattoñ meñ sargoshiyāñ ubhār aayā

tire intizār meñ kyā milā tire e'tibār ne kyā diyā
kabhī koī zaḳhm tapāñ huā kabhī koī daaġh khilā diyā

khulī āñkhoñ se bhī soyā huuñ aksar
tumhārā rāsta taktā huā maiñ

chāñd-sitāre aur havā
kis ko hai ārām safar

bahut dinoñ se ye dil yūñhī ro rahā hai aur
batā rahā hī nahīñ hai ise huā kyā hai

ghirā huā hai chaman narġha-e-siyāsat meñ
bahār sho.ala-ba-dāmāñ hai kyā ġhazal kahiye

mirī ḳhalvatoñ kī ye jannateñ ka.ī baar saj ke ujaḌ ga.iiñ
mujhe bārhā ye huā gumāñ ki tum aa rahe ho kashāñ kashāñ

vaqt jab raah kī dīvār huā
koī sailāb numūdār huā