Tags-Hawa

tumhīñ batāo ki is dil kā kyā kiyā jaa.e
jo choT khā ke bhī choToñ se āshnā na huā

sitāre toḌ liye ham ne zuhd-o-taqvā ke
magar jo haqq-e-ibādat thā vo adā na huā

chale chalo ki abhī sub.h kī siyāhī hai
sahar qarīb hai taara koī huā na huā

'kalīm' dard-e-mohabbat samajh meñ kyuuñ aa.e
vahī to dard hai jo dard-e-lā-davā na huā

amr hove to 'hidāyat' ko karūñ maiñ sīdhā
vaañ se irshād huā ye ki miyāñ sunte ho

ik rañj meñ Duubā huā be-nām musāfir
aayā thā baḌī duur se Thahrā mire dil meñ

aksar to ḳhushk hī mirī āñkheñ rahīñ magar
yuuñ bhī havā diye se diyā jal uThā kabhī

badnām ho ke ishq meñ ham surḳh-rū hue
achchhā huā ki naam gayā nañg rah gayā

huā hai kyā tuur sho.ala-afshāñ bhaḌak uThī ātish-gulistāñ
jalā.e detā hai dāġh-e-hijrāñ kahāñ se uḌ kar sharār aayā

chale jo āshiq pe tīr-o-ḳhanzar huā vo sarsabz surḳh ho kar
chaḌhā sar us kā agar sināñ par nihāl-e-ulfat meñ yaar aayā

kaun ruḳhsat huā ḳhudā.ī se
har taraf ye ḳhudā ḳhudā kyā hai

sehr lagtā hai pasīne meñ nahāyā huā jism
ye ajab niiñd meñ Duubī huī bedārī hai

chaḌhtā huā parvāz kā nashsha hai aur maiñ
tez havā rah rah kar Dañk chubhotī hai

'ġhamgīñ' jo ek aan pe tere adā huā
kyā ḳhush adā use tirī ai ḳhush-adā lagī

hamāre shahr kī ye vahshiyāna āb-o-havā
har ek ruuh meñ jañgal kī baas utārtī hai

yaad hai shādī meñ bhī hañgāma-e-yā-rab mujhe
sub.ha-e-zāhid huā hai ḳhanda zer-e-lab mujhe

maiñ ik thakā huā insān aur kyā kartā
tarah tarah ke tasavvur ḳhudā se bāñdh liye

vo jheleñ saḳhtiyāñ jaañ par ki dil patthar huā apnā
bachāyā is qadar ḳhud ko ki be-parvā hue ḳhud se

paḌe the be-ḳhabar kab se ḳhamoshī ke samundar meñ
havā aisī chalī ham zamzama-pairā hue ḳhud se

ḳhvāhish-e-zar kī havā dil ke siyah-ḳhāne meñ
ik diyā hai jise jaltā nahīñ rahne detī