Tags-Hawa

uljhe jo raqīb se vo kal pī ke sharāb
kahte haiñ huā chaak kashākash meñ naqāb

jab hathkaḌī ko toḌ ke kāfir huā farār
rote rahe asiir ḳhudā ko pukār ke

pahchān bhī sakī na mirī zindagī mujhe
itnī ravā-ravī meñ kahīñ sāmnā huā

ġhairoñ se mil ke hī sahī be-bāk to huā
baare vo shoḳh pahle se chālāk to huā

raat ke saañs kī mahkār se sarshār havā
jāgte shahr sulā detī hai bedār havā

ho ke sairāb ḳham-e-shab se sar-e-dāman-e-gul
sūrat-e-abr baras jaatī hai mai-ḳhvār havā

jaane kis tarah ḳhalāoñ meñ dhanak bantī hai
chāñd kī rañg bharī jhiil ke us paar havā

tālib-e-mauj-e-sahar jaatī hai lahroñ pe savār
sāhil-e-shab se uThātī hai jo patvār havā

kitnī yādeñ haiñ ki jhoñkoñ kī tarah tairtī haiñ
chhoḌ aatī hai safar meñ jinheñ mañjdhār havā

sar khule ḳhaak uḌātī huī āñgan āñgan
raat ke dard kā kar jaatī hai iz.hār havā

chāñd ke ras meñ bujhe lamhoñ kī tanhā.ī meñ
zahr-e-hijrāñ meñ hai Duubī huī talvār havā

kitne lamhe the ki ashkoñ kī tarah barse the
raat guzrī thī jo gaatī huī malhār havā

zard shāḳhoñ kī patāvar meñ uThātī huī hashr
'keats' kī nazm kā jaise koī kirdār havā

vo tirī jhūmtī zulfoñ kā ghanā jañgal hai
bhuul jaatī hai jahāñ shoḳhī-e-raftār havā

āsmāñ par safar-e-mauj-e-sahar se pahle
roz uThā detī hai ik rañg kī dīvār havā

vaqt-e-safar qarīb hai bistar sameT luuñ
bikhrā huā hayāt kā daftar sameT luuñ

dhanak se phuul se barg-e-hinā se kuchh nahīñ hotā
badan sahrā hue āb-o-havā se kuchh nahīñ hotā

hue ḳhushk bahr to kyā huā mirī naav zor-e-havā pe hai
mire bādbāñ haiñ bhare hue so balā se ret meñ jal nahīñ

jaane kyuuñ ab raat din ghar meñ paḌā rahtā hai vo
pahle yuuñ ḳhud meñ kabhī simTā huā rahtā na thā

us zulf se jab rabt huā jī ko to ham ne
shāne kā tasavvur dil-e-sad-chāk se bāñdhā