Tags-Hawa

pagḌiyāñ qadmoñ meñ rakhne kā hunar siikh ga.e
ham vahī haiñ jo sar-e-dār huā karte the

salaf se log un pe mar rahe haiñ hamesha jāneñ liyā kareñge
yahī karishme huā kiye haiñ yahī karishme huā kareñge

'ḳhurshīd' ab kahāñ hai kisī ko patā nahīñ
guzrā to thā kisī kā patā pūchhtā huā

sun ke furqat chup huā aisā ki murdā ho gayā
pūchhtā hai yaar ro ro kar tujhe kyā ho gayā

kyā diyā bosa lab-e-shīrīñ kā ho kar tursh-rū
muñh huā mīThā to kyā dil apnā khaTTā ho gayā

dil jo taḌpā daaġh se raushan jahān-e-dil huā
barq jab chamkī añdhere meñ ujālā ho gayā

'arsh' us kī sard-mehrī tā-dam-e-āḳhir rahī
dil huā ThanDā na saarā jism ThanDā ho gayā

bachpan meñ is daraḳht pe kaisā sitam huā
jo shāḳh is kī maañ thī vahāñ se qalam huā

munsif ho yā gavāh manāeñge apnī ḳhair
gar faisla anā se mirī kuchh bhī kam huā

ik raushnī taḌap ke ye kahtī hai bārhā
kyuuñ āsmāñ kā nuur ghaTāoñ meñ zam huā

yak-laḳht aa ke aaj vo mujh se lipaT gayā
jo fāsla diloñ meñ thā ashkoñ meñ zam huā

har shaam sisaktī huī fariyād kī vaadī
har sub.h sulagtā huā sahrā hai sadā kā

hāthoñ kī lakīreñ tujhe kyā samt dikhā.eñ
sun vaqt kī āvāz ko ruḳh dekh havā kā

is daur-e-āfiyat meñ ye kyā ho gayā hameñ
pattā samajh ke le uḌī vahshī havā hameñ

paa.e jo tere gosha-e-dastār kī havā
qumrī uḌī na turra-e-shamshād kī taraf

fazl-e-ḳhudā se apnī tabī.at hai be-niyāz
rū-e-talab kabhī na huā daad kī taraf

ba-zāhir yuuñ to maiñ simTā huā huuñ
agar socho to phir bikhrā huā huuñ

khulā vo ek darīcha ghane daraḳhtoñ meñ
vo sabz-posh havā phir bulā rahī hai mujhe

vaqt har baar badaltā huā rah jaatā hai
ḳhvāb ta.abīr meñ Dhaltā huā rah jaatā hai

tujh se milne bhī chalā aatā huuñ miltā bhī nahīñ
dil to siine meñ machaltā huā rah jaatā hai