Tags-Hawa

ye bayān-e-hāl ye guftugū hai mirā nichoḌā huā lahū
abhī sun lo mujh se ki phir kabhū na sunoge aisī kahāniyāñ

ye aur baat hai kuchh ġham jahāñ jahāñ na huā
hamāre haal kā charchā kahāñ kahāñ na huā

hue ho jāñ-ba-lab ab hogā kyā tamannā kā
jahāñ pe DhūñDte ho dil agar vahāñ na huā

mile jo jurm-e-vafā kī sazā yahīñ pe mile
hisāb apnā kahāñ hogā jo yahāñ na huā

nahīñ haiñ aañsū hī koī zabāñ mire dil kī
hai aisā ashk bhī āñkhoñ se jo ravāñ na huā

huā kyā jāniye dil ko mire shab-e-tārīk
hazāroñ daaġh magar ek bhī ayaañ na huā

chaḌhāyā daar pe aur kar diyā mujhe zinda
ye aur kuchh huā hasrat hai imtihāñ na huā

sunā rahe ho yuuñ vahshat meñ hāl-e-ġham jo 'azm'
huā vo nāla-e-dil dard kā bayāñ na huā

un nigāhoñ ko na jaane kyā huā
jin meñ raqsāñ the na.e paiġhām se

ghuñghrū dam-e-naz.a boltā hai
āvāz jaras ne dī huā kuuch

hamārī aah ke sharar hamīñ ko phūñkne lage
havā ke jhoñke aa.e saath bijliyāñ liye hue

na dil milegā 'bedam' aur na dil kī hasrateñ kahīñ
ki gum huā hai yūsuf apnā kārvāñ liye hue

maiñ tishnagī kā gilā kyā karūñ ki sūrat-e-dil
lahū kī mai se chhalaktā huā ayāġh to hai

ye kaisī bastī hai vārid kahāñ huā huuñ jahāñ
nazīr-e-silsila-e-hāv-hū koī bhī na thā

maiñ ḳhud hī apne barābar khaḌā huā thā 'tūr'
bhare jahān meñ merā adū koī bhī na thā

chaman meñ kyā huā gulchīñ ho bāgul-kār kyā jaane
nazar aatā nahīñ kuchh nargis-e-bīmār haiñ donoñ

muddateñ huiiñ ki huā ḳhāna-e-zanjīr ḳharāb
basta-e-zulf-e-girah-dār huuñ kin kā un kā

tujh se mil kar ye huā hai mahsūs
zindagī aaj milī ho jaise

havā-o-hirs ke lākhoñ shikār paa.e magar
koī bhī dard mohabbat meñ mubtalā na milā

huā hai māne-e-āshiq-navāzī nāz-e-ḳhud-bīnī
takalluf-bar-taraf ā.īna-e-tam.īz haa.el hai