Tags-Hawa

damak uTThe mirī sub.hoñ meñ vo hañstā huā chehra
mirī rātoñ meñ un āñkhoñ kā ġham saarā utar aa.e

vo peḌ jo tezāb se sairāb huā thā
us peḌ kā hone lagā har ek samar tez

dil ḳhasta-lohū jo ho gayā to bhalā huā ki kahāñ talak
kabhū soz-e-sīnā se daaġh thā kabhū dard-o-ġham se figār thā

ik ālam-e-tanhā.ī hai kuchh dekhā huā sā
shāyad ki maiñ apne hī bayābāñ meñ khaḌā huuñ

garebāñ chāk, dhuāñ, jaam, haath meñ cigarette
shab-e-firāq, ajab haal meñ paḌā huā huuñ

tan-e-barahna ho jaise libās kā muhtāj
huā hai sher bhī marhūn isti.āroñ kā

aap se āñkheñ milī thiiñ phir na jaane kyā huā
log kahte haiñ ki aisī be-ḳhudī dekhī na thī

mujh ko atā huā thā dil-e-ā.inā-jamāl
sad haif use siyāh kiye jā rahā huuñ maiñ

ik makāñ aur bulandī pe banāne na diyā
ham ko parvāz kā mauqa.a hī havā ne na diyā

mahr-o-mah abr-o-havā tere liye sargardāñ
banda suntā hai abas fikr na kar rozī kī

jism-e-āshufta ne sailāb sambhāle kitne
haal kyuuñ aisā huā haath meñ qatra na rahā

sharh-e-asbāb-e-giriftārī-e-ḳhātir mat pūchh
is qadar tañg huā dil ki maiñ zindāñ samjhā

maiñ ba-sad-shauq giraftār-e-rah-e-ishq huā
varna kuchh log yahāñ apnī ḳhatā se aa.e

kyā shaḳhs thā uḌātā rahā umr bhar mujhe
lekin havā se haath milāne nahīñ diyā

yahāñ har kashtī-e-jāñ par ka.ī māñjhī muqarrar the
udhar sāzish thī paanī kī idhar qaziya havā kā thā

hijr kī jāñ-kanī tamām huī
dil huā 'jaun' be-amāñ chup rah

darvāze ke andar ik darvāza aur
chhupā huā hai mujh meñ jaane kyā kyā aur

payāmbar na mayassar huā to ḳhuub huā
zabān-e-ġhair se kyā sharh-e-ārzū karte

go zaar huā huuñ magar imdād-e-junūñ se
hai dev kī tāqat mujhe murdā na samajhnā

bahkā huā āshiq nazar aa jaa.e jo koī
is chashm-e-fusūñ-sāz kā dīvāna samajhnā