Tags-Hawa

kināra thā mire dariyā se kaT gayā vo shaḳhs
ki maiñ thā vaqt kī sarhad ko paar kartā huā

koī kisī se ḳhush ho aur vo bhī bārhā ho ye baat to ġhalat hai
rishta libās ban kar mailā nahīñ huā ho ye baat to ġhalat hai

TuuT kar shāḳh se ik barg-e-ḳhizāñ-āmāda
sochtā hai ki guzartā huā jhoñkā kyā hai

ḳhvāboñ kī afsurda havā meñ rahne vaale surḳh gulāb
jañgal kī tārīk fazā meñ le ke nikal aate haiñ charāġh

bichhaḌte vaqt aisā bhī huā hai
kisī kī siskiyāñ achchhī lagī haiñ

vo āshnā-e-manzil-e-irfāñ huā nahīñ
jis ko tire karam kā sahārā milā nahīñ

vo naġhmagī kā zā.iqa us kī sadā meñ thā
phailā huā vo nuur sā saarī fazā meñ thā

jo chhū rahā thā mere badan hī ko baar baar
tere ḳhulūs kā koī jhoñkā havā meñ thā

adā zabān se harf-e-nahīñ ziyāda huā
isī pe qatl mirā saarā ḳhānvāda huā

talab ne ziin sajā.ī kiran ke ghoḌe par
kabhī jo sair-e-mah-o-mahr kā irāda huā

hamīñ ne jast bharī vaqt ke samundar meñ
hamīñ se dāman-e-arz-o-samā kushāda huā

adū ne luuT lī maqtal meñ jab mirī poshāk
to merā ḳhuun mire jism kā libāda huā

adab kā ziina milā ziist kā qarīna milā
kahāñ kahāñ na tire ġham se istifāda huā

faras ko duur kiyā sar se taaj utaar diyā
tumhāre shahr meñ pahuñchā to maiñ piyāda huā

meñ dam-ba-ḳhud huuñ mire sar pe sā.ebān-e-falak
baġhair chob ke kyūñ-kar hai īstāda huā

samāñ suhānā thā ThanDī huā ke jhoñkoñ se
badan ko tāzgī miltī thī ruuh meñ jaise

siyāh paḌne lagegī sham-e-visāl kī zau
khilā huā rāt-bhar jo rañg-e-hinā rahegā

jism be-kār huā jaatā hai
ruuh bedār huī jaatī hai

us gul ko bhejnā hai mujhe ḳhat sabā ke haath
is vāste lagā huuñ chaman kī havā ke haath

ek din aisā bhī qismat se mile jab 'aslam'
raqs kartā huā mahbūb-nagar jā.egā