Tags-Hawa

āvārgī se ḳhush huuñ maiñ itnā ki bād-e-marg
har zarra merī ḳhaak kā hogā havā-parast

ik lafz yaad thā mujhe tark-e-vafā magar
bhūlā huā huuñ Thokareñ khāne ke ba.ad bhī

taskīn-e-dil nasīb nahīñ hai to kyā huā
honā yahī hai pyaar jatāne ke ba.ad bhī

vahī dariyā kināre
roz apnī baañs kī bansī liye baiThā huā vo shaḳhs

chāñd ik maand huā jab se 'shahāb'
raat Dhaltī hai to dil dukhtā hai

jamā huā hai falak pe kitnā ġhubār merā
jo mujh pe hotā nahīñ hai raaz āshkār merā

ghabrā ke uThī hai mirī bālīñ se qazā bhī
jāñ-baḳhsh hai kitnī tire dāman kī havā bhī

jis vaqt vo ruḳhsat huā bārāt kī mānind
ik Tiis sī uTThī thī koī shor nahīñ thā

aag degā zamāna ghar ko mire
aur sho.aloñ ko phir havā degā

kuchh dinoñ dasht bhī ābād huā chāhtā hai
kuchh dinoñ ke liye ab shahr ko vīrānī de

ye aag aur ḳhuuñ ke samundar meñ girtā huā shahr merā nahīñ
havā se ulajhtā huā maiñ chalā jā rahā huuñ añdherā hai gahrā ghanā be-amāñ

havā se ulajhtā huā maiñ uḌā jā rahā huuñ añdherā hai gahrā ghanā be-amāñ
maiñ bulātā huuñ āvāz detā huuñ ab us hasīñ shahr ko

koī mujh se judā huā hai abhī
zindagī ek sānehā hai abhī

nahīñ mauqa ye pursish-e-ġham kā
dekhiye dil dukhā huā hai abhī

havā chalī mirī uftādgī kī ai saaqī
gireñge nashshe meñ sab ḳhush-ḳhirām uTh uTh kar

dil-shikasta hue TuuTā huā paimān bane
ham vahī haiñ jo tumheñ dekh ke anjān bane

arsa huā kisī ne pukārā nahīñ mujhe
shāyad kisī ko merī zarūrat nahīñ rahī

gar zamīñ par huā to ā.ūñgā
tum galā chhīl kar sadā karnā

milā na mujh ko kisī se ḳhirāj ashkoñ meñ
havā ke hāthoñ mujhe aur kuchh bikharnā thā

piirī se mirā nau digar-hāl huā hai
vo qad jo alif sā thā so ab daal huā hai