Tags-Hawa

qissa kitāb-e-umr kā kyā muḳhtasar huā
ruḳh dāstān-e-ġham kā idhar se udhar huā

mātam-sarā-e-dahr meñ kis kis ko roiye
ai vaa.e dard-e-dil na huā dard-e-sar huā

taskīn-e-dil ko rāz-e-ḳhudī pūchhtā hai kyā
kahne ko kah duuñ aur agar ulTā asar huā

āzād ho sakā na giraftār-e-shash-jahat
dil muft banda-e-havas-e-bāl-o-par huā

duniyā ke saath diin kī begār al-amāñ
insān aadmī na huā jānvar huā

fardā kā dhyān bāñdh ke kahtā hai mujh se dil
tū merī tarah kyuuñ na vasī-un-nazar huā

fardā ko duur hī se hamārā salām hai
dil apnā shaam hī se charāġh-e-sahar huā

vo ajnabī thā ġhair thā kis ne kahā na thā
dil ko magar yaqīn kisī par huā na thā

kuchh yuuñ hī zard zard sī 'nāhīd' aaj thī
kuchh oḌhnī kā rañg bhī khiltā huā na thā

visāl-e-fardā kī justujū meñ nashāt-e-imroz ghaT rahā hai
ye kis talab meñ ghirā huā huuñ ye kis aziyyat meñ aa basā huuñ

tamām āb-o-havā meñ gulāl bikhrā hai
ki rañg laayā hai us ke nikhār kā mausam

tirī qurbatoñ se bhī kyā huā tirī dūriyoñ kā to kyā gila
vo maqām maiñ hī na pā sakā mujhe jis maqām pe tū milī

kis nazar se aap ne dekhā dil-e-majrūh ko
zaḳhm jo kuchh bhar chale the phir havā dene lage

bāġhbāñ ne aag dī jab āshiyāne ko mire
jin pe takiya thā vahī patte havā dene lage

sīna-e-sozāñ meñ 'sāqib' ghuT rahā hai vo dhuāñ
uf karūñ to aag duniyā kī havā dene lage

koī to hai ki na.e rāste dikhā.e mujhe
havā ke dosh pe aa.e ġhazal sunā.e mujhe

yuuñ bhī huā us ne mujhe sajdoñ se navāzā
bad-baḳhtī se jis shaḳhs kī taqdīr na thā maiñ

koī ḳhushbū javāñ hotī hai mere gaañv meñ jab bhī
havā yuuñ ruḳh badaltī hai havelī thaam letī hai

havā kā rañg nahīñ hai magar mizāj to hai
havā se dostī karnā koī mazāq nahīñ

oḌh le saare badan par tū havā kī chādar
aur tūfān kī bāñhoñ meñ simaT kar so jā