Tags-Hawa

maiñ dasht-e-dard huuñ yādoñ kī nik.hatoñ kā amiiñ
havā thame to mahaktā huuñ gulshanoñ kī tarah

zi-bas sirf junūñ mere huā aahan ajab mat kar
na ho gar halqa-e-dar ḳhāna-e-zanjīr-sāzāñ ko

huā huuñ ġhuncha-e-pazhmurda āḳhir fasl kā tujh bin
na de barbād hasrat kusta-e-sar-dar-garebāñ ko

jāzbiyyat to ba-har-hāl huā kartī hai
husn kī bū-qalamūnī ho ki ḳhush-poshī ho

ḳhizān-e-umr kujā o kujā bahār-e-shabāb
falak ko rashk huā koī jab javāñ dekhā

dil kuufa kī mānind huā jaatā hai yārab
a mamba-e-rahmat za-nigāh-e-madanī dekh

kyā asar ḳhaak thā majnūñ ke phaTe kapḌoñ meñ
ek TukḌā bhī to lailā kā garebāñ na huā

yuuñ huā dūriyāñ kam karne lage the donoñ
roz chalne se to raste bhī ukhaḌ jaate haiñ

ātish-e-furqat se aalam kora-e-ātish huā
āsmāñ hai duud ham aḳhgar meñ aur mujmar zamīñ

barbād-e-mohabbat kī duā saath liye jā
TuuTā huā iqrār-e-vafā saath liye jā

kyā huā gar ġhazal qasīda huī
āqibat qissa-e-mohabbat hai

ham apnā tujh ko havā-ḳhvāh jānte the sabā
bahāreñ tū ne bhī tanhā uḌā.iyāñ dekhīñ

mire vajūd meñ shāmil thā vo havā kī tarah
so har taraf thā mire bas mirī nazar meñ na thā

lau de uThī haiñ biite dinoñ kī rifāqateñ
bujhte sharar bhī aag bane vo havā chalī

ye saarā qaziya to ham se hai is se tum ko kyā
tum apne ek taraf ho raho huā so havā

har ek naqsh us kā havā le ke uḌ ga.ī
khīñchā thā ham ne shauq kā naqsha zamīn par

us ko kho dene kā ehsās to kam baaqī hai
jo huā vo na huā hotā ye ġham baaqī hai

tire husn ne ye ġhazab kiyā ki har ahl-e-dil huā mubtalā
jise dekhā terā hī said thā na koī bachā tire daam se

chalī thī ik havā kuchh der pahle
usī ke ḳhauf se sahme sabhī haiñ

likhā huā hai
''kisī kā likkhā nahīñ rahegā''