Tags-Hawa

miT ga.e ham to ye huā ma.alūm
bhuul kar koī muskurāyā thā

salāmtī kī duā kā samar banā huā hai
tumhāre baaġh kā paudā shajar banā huā hai

vo jis ke vāste phūloñ kā ehtimām huā
fazā-e-dil se vahī be-ḳhabar banā huā hai

mile jo koī mujhe dil churāne lag jaa.e
tamām shahar tirā jādūgar banā huā hai

ajiib baat hai dil bhī vahīñ pe TuuTe haiñ
har ek shaḳhs jahāñ kārīgar banā huā hai

kahīñ pe mas.ala fōtpath par tajāvuz kā
kahīñ pe mas.ala dīvār-o-dar banā huā hai

sukūn kyuuñ nahīñ karte thake hue manzar
tumhārī aañkh meñ bistar agar banā huā hai

ajiib qaid thī jis meñ bahut ḳhushī thī mujhe
ab ashk thamte nahīñ haiñ ye kyā rihā huā maiñ

mirī nazar meñ rahe Dūbne kā manzar bhī
ġhurūb hotā huā āftāb de jaao

āmad-e-ḳhat se huā hai sard jo bāzār-e-dost
dūd-e-sham-e-kushta thā shāyad ḳhat-e-ruḳhsār-e-dost

talab tamām ho matlūb kī agar had ho
lagā huā hai yahāñ kuuch har maqām ke baad

tujh se ik umr kā paimāñ thā magar merā nasīb
inqilābāt kā mahkūm huā jaatā hai

sameT lo mujhe apnī sadā ke halqoñ meñ
maiñ ḳhāmushī kī havā se bikharne vaalā huuñ

dījiye tahzīb ko taaza havā varna habīb
'mīr' ke ash.ār 'mīrā' kā bhajan mar jā.egā

jab ek shikārī aatā hai
havā meñ bandūq chalātā hai

junūñ kī andhī havā ne 'at.har' ḳhamosh ġhurfoñ ko lab diye haiñ
sadā banā hai galī galī meñ mire lahū kā fishār kaise

ḳhvāb sharminda-e-visāl huā
hijr meñ niiñd aa ga.ī thī mujhe

huā yaqīñ ki zamīñ par hai aaj chāñd-gahan
vo maah chehre pe jab Daal kar naqāb aayā

chāñd sā chehra kuchh itnā bebāk huā
ek hī pal meñ shab kā dāman chaak huā

ghar ke andar sīdhe sachche log mile
beTā pardesī ho kar chālāk huā