Tags-Hawa

sañg nahīñ huuñ baat na mānūñ mausam kī
huā zarā sī aur lachakne vaalā maiñ

havā ko bhī kabhī maiñ kaaT dūñgā
abhī paanī pe paanī likh rahā huuñ

havā ke saath safar iḳhtiyār karnā thā
dayār-e-shab ko ḳhamoshī se paar karnā thā

ye niilī aañch yā nīlam-parī hai
havā kī taan par jo jhūmtī hai

aayā hai magar ishq meñ dildār hamārā
har tan meñ huā jaan har ik jism kā nyārā

maiñ ne ehsās kī bhaTTī se guzārā huā hai
tum samajhte nahīñ ho baat mire lafzoñ kī

aisā bātil tilism-e-rañg huā
munhadim qasr-e-nām-o-nañg huā

is ne pūchhā hai tumheñ pyaar thā kyā ḳhatm huā
dil meñ aatī hai kahūñ thā so abhī baaqī hai

jo naḳhl-band-e-azal kā huā chaman meñ ḳhayāl
nazar guloñ meñ ajab shān-e-kibriyā aa.ī

jo dam ghuTe to shikāyat na kījiye sāhab
ki saañs lene ko zahroñ bharī havā hai bahut

udhar jo shaḳhs bhī aayā use javāb huā
koī nahīñ jo mohabbat meñ kāmyāb huā

vo ḳhush-nasīb haiñ jin ko ḳhudā kī zaat milī
hameñ ik aadmī mushkil se dastiyāb huā

bil-āḳhir aag dhuāñ ho ga.ī mohabbat kī
kisī ke saath jo dekhā thā ḳhvāb ḳhvāb huā

tumhāre sāmne kis ko majāl bolne kī
tumhāre sāmne har shaḳhs lā-javāb huā

hamāre sāmne bachche zabāñ-darāz hue
hamāre sāmne zarra bhī āftāb huā

mire asāsoñ meñ ḳhvāb aur hasrateñ niklīñ
'kabīr' ishq meñ merā bhī ehtisāb huā

'kabīr' ho ga.e barbād ham ko honā thā
tumheñ ye pūchhe koī tum ko kyā savāb huā

merī dīvāngī jalā.e charāġh
raushnī gum hai aur havā hai bahut

yā ruḳh ko havā ke pher de tū yā ruḳh pe havā ke bahtā chal
sansār khapā le apne meñ sansār meñ varna khapnā hai

nazar hairāñ tabī.at hai zarā ranjīda ranjīda
huā dil hai kisī kā mubtalā poshīda poshīda