Tags-Hawa

visāl-e-yār kī ab sirf ek sūrat hai
hamārī ḳhaak uḌā kar vahāñ havā le jaa.e

aaj dānista taġhāful se huuñ haarā huā maiñ
kal talak umr kī sachchā.ī thī afsāna mujhe

tamām ilm ziist kā guzishtagāñ se hī huā
amal guzishta daur kā misāl meñ milā mujhe

kabhī kabhī to mujh ko yuuñ mahsūs huā
jaise kisī ne merā hissa rok liyā

nazar ne kī nazr-e-rūh-o-dil pesh-e-lab pe shor-e-fuġhāñ se pahle
adā huā sajda-e-mohabbat ḳharosh-e-bāñg-e-azāñ se pahle

apnī hī āstīñ meñ thā ḳhanjar chhupā huā
'amjad' har ek zaḳhm kā marham bhī ham hī the

vagarna jo huā us se sivā.e rañj kyā hāsil
magar haañ maslahat kī rau se dekheñ to munāsib thā

yaqīñ kā haath pakaḌ lo ye mashvara hai mirā
bas ek ujḌā huā dasht hai gumān ke paar

kyā ḳhatā merī ki jo bachcha huā juḌvāñ huā
aur ma.a ham-zād aajiz hī ke ghar mehmāñ huā

vo sadma jis ke sabab maiñ huuñ sar-ba-zānū abhī
ajab nahīñ mirī dānist meñ huā hī na ho

kalām kartī huī lahreñ chup na hoñ mire baad
mire liye kahīñ paanī rukā huā hī na ho

ye ḳhema-zanī raah meñ apnī jagah achchhī
uThtā huā manzil pe ġhubār apnī jagah ḳhuub

sar-e-bām-e-hijr diyā bujhā to ḳhabar huī
sar-e-shām koī judā huā to ḳhabar huī

mire ham-safar ke safar kī samt hī aur thī
kahīñ rāsta koī gum huā to ḳhabar huī

ham-nafaso ujaḌ ga.iiñ mehr-o-vafā kī bastiyāñ
pūchh rahe haiñ ahl-e-mehr-o-vafā ko kyā huā

ishq hai be-guzār kyuuñ husn hai be-niyāz kyuuñ
merī vafā kahāñ ga.ī un kī jafā ko kyā huā

ye to bajā ki ab vo kaif jām-e-sharāb meñ nahīñ
sāqī-e-mai ke ġhamza-e-hosh-rubā ko kyā huā

ab nahīñ jannat mashām-e-kūcha-e-yār kī shamīm
nik.hat-e-zulf kyā huī bād-e-sabā ko kyā huā

tham gayā daura-e-hayāt ruk ga.ī nabz-e-kā.enāt
ishq-o-junūñ kī garmī-e-hamhama-zā ko kyā huā

dasht-e-junūñ meñ ho ga.ī manzil-e-yār be-surāġh
qāfila kis taraf gayā bāñg-e-darā ko kyā huā