Tags-Hawa

ham ye samjhe the ki ham bhuul ga.e haiñ us ko
aaj be-tarah hameñ yaad jo aayā huā hai

vo kisī roz havāoñ kī tarah aa.egā
raah meñ jis kī diyā ham ne jalāyā huā hai

kaun batlā.e use apnā yaqīñ hai ki nahīñ
vo jise ham ne ḳhudā apnā banāyā huā hai

yūñhī dīvāna banā phirtā hai varna 'ajmal'
dil meñ baiThā huā hai zehn pe chhāyā huā hai

kuchh to havā bhī sard thī kuchh thā tirā ḳhayāl bhī
dil ko ḳhushī ke saath saath hotā rahā malāl bhī

vo sitam na Dhaa.e to kyā kare use kyā ḳhabar ki vafā hai kyaa?
tū usī ko pyaar kare hai kyuuñ ye 'kalīm' tujh ko huā hai kyaa?

(thartharātā huā ehsās ke ġham-ḳhāne meñ
nargisī āñkhoñ kā ma.asūm sā shikvā din raat

is baaġh meñ shamshīr-e-havā se na bachoge
ḳhush rañg ho jaao kisī poshāk ke ho jaao

lailā ḳhāka uḌā rahī hai
majnūñ ko havā batā rahī hai

us bevafā pe bas nahīñ chaltā to kyā huā
uḌtī raheñgī apne garebāñ kī dhajjiyāñ

uḌā ke hosh huā ho ga.ī tajallī-e-tūr
sabhoñ se aañkh churātā huā hijāb aayā

phuul sā tujh ko mahaktā huā rakhte shab bhar
apne sāñsoñ se tujhe raat kī raanī karte

sahrā kī ab havā jo lagī ho gayā hiran
majnūñ ke bas kā nāqa-e-lailā nahīñ rahā

tumhāre ba.ad ḳhudā jaane kyā huā dil ko
kisī se rabt baḌhāne kā hausla na huā

majbūr huuñ maiñ āb-o-havā hai mirī muḳhtār
jo lāla-o-gul kī hai mirī gul bhī vahī hai

jab merā ishtiyāq huā zabt-āzmā
phir us ne apne aap hī pardā nahīñ kiyā

aañsū bahe to yuuñ huā bīnā.ī baḌh ga.ī
phir saaf saaf dikh gayā kyā kyā ḳharāb hai

rahe na saath jo pachhtāve bhī to rañj huā
ki hāsil-e-safar-e-umr-e-rā.egāñ bhī gayā

bharā thā dāman-e-ḳhvāhish to hashr barpā thā
huā tahī to phir āvāza-e-sagāñ bhī gayā

kis se āzurda mire qātil kā ḳhanjar ho gayā
kyā huā jo aaj yuuñ jaame se bāhar ho gayā