Tags-Hawa

kyuuñ huā thā taraf-e-ābla-e-pā yā-rab
jaada hai vā-shudan-e-pechish-e-tūmār hunūz

dil-e-shahīd huā hai shahīd-e-husn-e-sifāt
pilāyā zauq-e-nazar ne bhī jām-e-āb-e-hayāt

fasleñ bītīñ mausam badlā aur vaqt ne yuuñ kyā kuchh na kiyā
vo daaġh na dil se duur huā ik umr kaTī dhote dhote

ek ḳhushbū sā maiñ apnī pañkhuḌī meñ band thā
aa.ī ik pāgal havā mujh ko uḌā kar le ga.ī

tū hañsī le ke mirī aañkh ko aañsū de de
mujh se sūkhā huā dariyā nahīñ dekhā jaatā

dil dhaḌkā qadam ThiThke palaT kar huā mālūm
jis ne ye sadā dī thī tirā rāhguzar thā

mirī chunarī līram-ler huī
huā rañg basantī chorī sajan

jhoñke kuchh be-jān havā ke aate haiñ apne-āp chale
jhuum uThte haiñ chaman ke pañkhe us ko jaan ke fan apnā

shab kī peshānī kā maiñ jhūmar thā
kyā huā gar havā-guzīda rahā

aaz o havas se ḳhalq huā hai ye nā-murād
dil par nigāh kyā hai vo mujh par nazar kareñ

tañg kamroñ meñ hai mahbūs fazā kā matlab
kaun samjhegā yahāñ taaza havā kā matlab

tire husn tere jamāl kā maiñ divāna yuuñ hī nahīñ huā
hai mujhe ḳhabar tire ruup meñ ye chhupā huā koī aur hai

ḳharāb-e-shauq huā jab se is nigāh kā dil
charāġh-e-mai-kada hai gaah ḳhānqāh kā dil

chaltī zarā tezī se havā to maiñ patañgeñ
kuchh aur bulandī pe uḌātā nazar aatā

is meñ shāmil hai bū-e-aflākī
ye havā aa rahī hai kis ban se

maiñ apne darmiyāñ se haT chukā huuñ
to phir kyā darmiyāñ rakkhā huā hai

unheñ ranj ab kyuuñ huā ham to ḳhush haiñ
ki mar kar shahīd-e-vafā ho ga.e ham

jo tum parfum meñ Dupkī lagā kar roz aatī ho
fazā tum se mo.attar hai havā meñ kuchh nahīñ rakkhā

ab to tere husn kī har anjuman meñ dhuum hai
jis ne merā haal dekhā terā dīvāna huā

huā paḌā hai yūñhī kalba-e-nazar tārīk
ki aaj us ke sarāpā ne raushnī nahīñ kī