Tags-Hawa

roz kahtā hai havā kā jhoñkā
aa tujhe duur uḌā le jā.ūñ

thī nigāh pahle to us kī vuuñ kahīñ dostī meñ huā hai yuuñ
diyā us ne dil kahīñ aur kyuuñ yahī 'mus.hafī' kā gunāh hai

fazā.eñ kuchh bhī nahīñ haiñ faqat nazar kā fareb
khaḌā huā hai koī āsmān thāme hue

safīna mauja-e-sail-e-balā se garm-e-satīz
havā kā bār-e-girāñ bādbān thāme hue

saḌak ke paar chalā jā rahā hai bachtā huā
kisī kā haath koī mehrbān thāme hue

ye zamāna kis qadar bār-e-garāñ sābit huā
apne begāne hue begāne pyāre ho ga.e

bijlī ke taar pe baiThā huā hañstā panchhī
sochtā hai ki vo jañgal to parāyā hogā

imtiyāz-e-sūrat-o-ma.anī se begāna huā
aa.ine ko aa.ina hairāñ ko hairāñ dekh kar

ishq har-chand masā.ib se pareshāñ na huā
na huā husn magar tāba-e-farmāñ na huā

laakh duniyā ne ye chāhā ki pareshāñ ho magar
maiñ tire ġham kī hifāzat meñ pareshāñ na huā

dil kī āvāz ho mahrūm-e-asar kyā ma.anī
ishq kāfir hai agar husn musalmāñ na huā

darpai uqda-e-hastī hai azal hī se bashar
lekin ik ḳhaak ke zarre kā bhī irfāñ na huā

dil meñ har ḳhuun kā qatra hai talātum ba-kanār
jo magar aañkh se Tapkā vahī tūfāñ na huā

to vo āzād ki be-vaj.h hai mujh se bhī gurez
maiñ vo majbūr ki dushman se bhī nālāñ na huā

apnī paiġhām-navā.ī ke natā.ej meñ mujhe
fikr-e-zindāñ to rahā hai ġham-e-zindāñ na huā

jis ke mashrab meñ mohabbat ho mohabbat kā javāb
merī taqdīr meñ aisā koī insāñ na huā

ek hī jalve se 'ehsān' nazar haT na sakī
mujh se kuchh us ke sivā kār-e-numāyāñ na huā

jis roz se ki shauq-e-asīrī huā mujhe
sayyād hai shikār-e-anādil se dil uchāT

Thukrā.e bhī na aa ke lahad fātiha kujā
mar kar huā huuñ us but-e-qātil se dil uchāT

jhankār se maiñ chār-qadam aage jā.ūñgā
zindān meñ huā jo salāsil se dil uchāT