Tags-Hawa

mujhe ham-safar bhī milā koī to shikasta-hāl mirī tarah
ka.ī manziloñ kā thakā huā kahīñ rāstoñ meñ luTā huā

hameñ apne ghar se chale hue sar-e-rāh umr guzar ga.ī
koī justujū kā sila milā na safar kā haq hī adā huā

ab rāh-e-vafā ke patthar ko ham phuul nahīñ samjheñge kabhī
pahle hī qadam par Thes lagī dil TuuT gayā achchhā hī huā

achānak kuchh huā hotā to koī baat thī
na jaane kyuuñ huī is darja hairānī mujhe

jo is ko dekhā to tasvīr ban ga.iiñ āñkheñ
ye jāgtā huā pal ḳhvāb-e-be-karāñ niklā

use chhuā to vo gum ho gayā havā kī tarah
ajab nazāra thā zāhir meñ bhī nihāñ niklā

ek benām-o-nishāñ ruuh kā paikar huuñ maiñ
apnī āñkhoñ se ulajhtā huā manzar huuñ maiñ

mujh ko dam-bhar kī rifāqat bhī havā ko na milī
apnī parchhā.īñ se lipTā huā patthar huuñ maiñ

jhiil meñ Thahrā huā hai us kā aks-e-ātishīñ
aa.ine meñ is ghaḌī sahrā bhī hai dariyā bhī hai

junūñ zāhir huā ruḳh par ḳhudī par be-ḳhudī chhā.ī
ba-qaid-e-hosh maiñ jab bhī qarīb-e-āstāñ pahuñchā

terī āñkhoñ pe mirā ḳhvāb-e-safar ḳhatm huā
jaise sāhil pe utar jaa.e safīna mire dost!

raah takte haiñ kahīñ duur ka.ī sust charāġh
aur havā tez huī jaatī hai achchhā mire dost!

ajab nahīñ hai ki dil par jamī milī kaa.ī
bahut dinoñ se to ye hauz saaf bhī na huā

phir aaj ishq 'musavvir' huā hai ḳhāk-basar
phir ehtimām-e-urūj-e-salīb-o-dār karo

na us ke dāman se maiñ hī uljhā na mere dāman se ye hī aTkī
havā se merā bigāḌ kyā hai jo sham-e-turbat bujhā rahī hai

hai ab kī fasl meñ rañg bahār aur hī kuchh
huā hai naqsha-e-shahr-o-dayār aur hī kuchh

duā kā TuuTā huā harf sard aah meñ hai
tirī judā.ī kā manzar abhī nigāh meñ hai