Tags-Ghamand

jabīn charāġh muqaddar kushāda dhuup sahar
ġhurūr qahr ta.ajjub kamāl nuur bharī

kisī kā ġhamza sharāboñ se chuur qaus-e-quzah
adā ġhurūr javānī surūr ishva-garī

jis ke baazū kī salābat par nazākat kā madār
jis ke kas-bal par akaḌtā hai ġhurūr-e-shahryār

terī peshānī pe jhalkegā misāl-e-barq-e-tūr
tifl kā nāz-e-sharāfat aur shauhar kā ġhurūr

dahshat-e-fardā se tharrā.egā jab un kā ġhurūr
haal se tū hogī raazī ḳhauf-e-mustaqbil se duur

vo ijz-e-ġhurūr-e-sultāñ bhī jis ke aage jhuk jaatā thā
vo mom ki jis se Takrā kar lohe ko pasīna aatā thā

dekh kar terā Dhalā mankā nahīñ hotā hai chuur
gardanoñ ke ḳham ko saḳhtī baḳhshne vaalā ġhurūr

itnā na kījiye gul-e-ruḳhsār par ġhurūr
do din kī ye bahār hai aaj aa.ī kal ga.ī

ḳhud-farebī baḌh ke jab bantī hai ehsās-e-shu.ūr
jab javāñ hotā hai ahl-e-zar ke tevar meñ ġhurūr

ġhurūr bhī jo karūñ maiñ to ājizī ho jaa.e
ḳhudī meñ lutf vo aa.e ki be-ḳhudī ho jaa.e

rakhte nahīñ ġhurūr se vo paañv arsh par
chalte haiñ sar ke bal jo rah-e-kū-e-yār meñ

tujh ko ġhurūr-e-zohd hai sharm-e-gunah mujhe
zāhid kise ḳhabar ki ḳhudā ko ho kyā pasand

sar-e-rāh siina nikāltā huā aayā thā jo vo ḳhush-nigāh
dil-ishq-ḳhū ko vo par ġhurūr lagā na ho kahīñ yuuñ na ho

ġhurūr-e-ishq ziyāda ġhurūr-e-husn se hai
idhar to aañkh bharī dam udhar ravāna huā

ġhurūr-e-zohd ne sikhlā diyā hai vaa.iz ko
ki bandagān-e-ḳhudā par zabāñ darāz kare

ġhurūr-e-lutf-e-sāqī nashsha-e-be-bākī-e-mastāñ
nam-e-dāmān-e-isyāñ hai tarāvat mauj-e-kausar kī

tirā ġhurūr samāyā hai is qadar dil meñ
nigāh bhī na milā.ūñ jo bādshāh mile

ġhurūr-e-husn kī be-iltifātiyoñ kī tarah
nigāh-e-shauq rahī ab na iltijā.eñ rahīñ

vo jo ham-rahī kā ġhurūr thā vo savād-e-rāh meñ jal-bujhā
tū havā ke ishq meñ ghul gayā maiñ zamīñ kī chaah meñ jal-bujhā

mere andar kā ġhurūr andar guzartā rah gayā
sar se paañv tak utarnā thā utartā rah gayā