Tags-Gham

ġham nahīñ nāz-e-husn hai husn ke naaz uThā.e jā
ai dil-e-mubtalā-e-ġham ġham meñ bhī muskurā.e jā

shorish-e-kā.enāt meñ ġham ko ḳhushī banā.e jā
hañs mire āñsuoñ meñ tū aah meñ muskurā.e jā

bazm-e-nashāt-e-kā.enāt mujh pe hai ḳhanda-zan hanūz
ḳhalvat-e-ġham meñ tū abhī aur mujhe rulā.e jā

ḳhvāb hī meñ ruḳh-e-pur-nūr dikhā.e koī
ġham meñ rāhat kā bhī pahlū nazar aa.e koī

kaun aarif hai azmat-e-ġham kā
miT ke maiñ aur bhī nikhartā huuñ

bahr-e-ġham meñ ye fikr kis ko hai
ġharq hotā huuñ yā ubhartā huuñ

hamī haiñ kushtagān-e-vaqt-e-rafta
azīz-az-jān haiñ ye ġham azīzam

dil gayā tum ne liyā ham kyā kareñ
jaane vaalī chiiz kā ġham kyā kareñ

apne hī ġham se nahīñ miltī najāt
is binā par fikr-e-ālam kyā kareñ

ġhalat hai jazba-e-dil par nahīñ koī ilzām
ḳhushī milī na hameñ jab to ġham kī ḳhū kar lī

chāñd bhī niklā sitāre bhī barābar nikle
mujh se achchhe to shab-e-ġham ke muqaddar nikle

ġham-e-tauhīn-e-mai-ḳhāna hai 'shārib'
mujhe tishna-labī kā ġham nahīñ hai

hameñ laakh zamāna lubhā.e to kyā na.e rañg jo charḳh dikhā.e to kyā
ye muhāl hai ahl-e-vafā ke liye ġham-e-millat o ulfat-e-dīñ na rahe

ġham o rañj meñ 'akbar' agar hai ghirā to samajh le ki rañj ko bhī hai fanā
kisī shai ko nahīñ hai jahāñ meñ baqā vo ziyāda malūl o hazīñ na rahe

zindagī is tarah bhaTaktī hai
dard-o-ġham kī udaas rāhoñ meñ

ibtidā ġham kī jab ban ga.ī zindagī
mujh ko marnā paḌā intihā ke liye

jidhar dekho fasurda zindagī hai
mujhe lagtā hai ye ġham kī sadī hai

jis jā se hai shurūa mirā kunj-e-ārzū
saaya bhī naḳhl-e-ġham kā ghanerā vahīñ se hai

ujḌā huā vo bāġh-e-jahāñ ham judā hue
āseb-e-ġham kā dil pe baserā vahīñ se hai

arzāñ se log bhāgte us ko to ġham nahīñ
lāzim nahīñ ki husn meñ husn-e-nazar bhī ho