Tags-Gham

had-e-nigāh se aage bhī manzileñ haiñ bahut
mirā irāda ġham-e-zāt se farār kā hai

raat ko ḳhvāb bahut dekhe haiñ
aaj ġham kal se zarā halkā hai

ham to vābasta rahe tujh se ki hai ḳhū-e-vafā
tū ne kyā soch ke ai ġham hameñ chāhā hogā

zabt-e-ġham haañ vahī ashkoñ kā talātum ik baar
ab to sūkhā huā dariyā nahīñ dekhā jaatā

jo ġham-e-habīb se duur the vo ḳhud apnī aag meñ jal ga.e
jo ġham-e-habīb ko pā ga.e vo ġhamoñ se hañs ke nikal ga.e

ġham-e-aish-o-yās-o-umīd kā na asar hayāt pe ho sakā
mirī rūh-e-ishq vahī rahī ye libās the jo badal ga.e

na hai 'shā.ir' ab ġham-e-nau-ba-nau na vo dāġh-e-dil na vo tāzgī
jinheñ e'timād-e-bahār thā vahī phuul rañg badal ga.e

us kī rahmat kā kyā gila 'hairat'
dard-o-ġham mere naam likkhā hai

ḳhud apnī baat kā dukh ban ke rah na jā ai 'talḳh'
har ek dil meñ samā jā ġham-e-jahāñ ban kar

mīlād ho ki majlis-e-ġham mubtalā tire
āñgan meñ dal ke farsh bichhā.e hue to haiñ

din hī pahāḌ hai shab-e-ġham kyā ho kyā na ho
ghabrā rahe haiñ aaj sar-e-shām hī se ham

har ik chehre pe hai tahrīr ġham kī
zarūrī to nahīñ khulnā laboñ kā

sharīk-e-hāl-e-dil-e-be-qarār aaj bhī hai
kisī kī yaad mirī ġham-gusār aaj bhī hai

vo un kā ġham ki nigāheñ badal chukā 'aḳhtar'
kamāl-e-shauq kā parvardigār aaj bhī hai

mirā ek ek aañsū ġham-e-fikr-e-do-jahāñ hai
kabhī ḳhushk karnā dāman kabhī āstīñ sukhānā

mire shām-e-ġham kī zīnat mire āñsuoñ ke taaro
tumheñ kaam kyā sahar se kahīñ tum na Duub jaanā

ek ḳhushī kā haal hai ḳhush-suḳhanāñ ke darmiyāñ
izzat-e-shā.eqīn-e-ġham thī jo rahī-sahī ga.ī

mujh ko barbādī kā koī ġham nahīñ
ġham hai barbādī kā kyuuñ charchā huā

roz-o-shab kis tarah basar maiñ karūñ
ġham tirā ab to jī hī khātā hai

vo to gayā ab apnī anā ko sameT le
ai ġham-gusār dast-e-duā ko sameT le