Tags-Dil

isī liye to ḳhafā haiñ sitam-shi.ār ki ham
nigāh-e-narm o dil-e-dardmand rakhte haiñ

agarche dil vahī raj.at-pasand hai apnā
magar zabān taraqqī-pasand rakhte haiñ

allāh rakkhe terī sahar jaisī kam-sinī
dil kāñptā hai jab bhī tū aatī hai shaam ko

paanī se sag-gazīda Dare jis tarah 'asad'
Dartā huuñ aa.ine se ki mardum-gazīda huuñ

ik be-qarār dil se mulāqāt kījiye
jab mil ga.e haiñ aap to kuchh baat kījiye

nazroñ se guftugū kī hadeñ ḳhatm ho chukīñ
jo dil meñ hai zabāñ se vahī baat kījiye

nazreñ milā milā ke nazar pher pher ke
majrūh aur dil ke na hālāt kījiye

dil ke sivā kisī ko nahīñ jin kī kuchh ḳhabar
duniyā se kiyā bayāñ vo hikāyāt kījiye

mas.ala ḳhatm huā chāhtā hai
dil bas ab zaḳhm nayā chāhtā hai

rū-ba-rū us ke 'asar' aap ba-īñ-zinda-dilī
kab talak dil ke ta.iiñ maare hue baiTheñge

merī vafā to nādānī thī tum ne magar ye kyā Thānī thī
kaash na karte mujh se mohabbat kaash na hotā dil kā ye aalam

apne apne dil ke hāthoñ donoñ hī barbād hue haiñ
maiñ huuñ aur vafā kā ronā vo haiñ aur jafā kā mātam

nākāmī sī nākāmī hai mahrūmī sī mahrūmī hai
dil kā manānā sa.ī-e-musalsal un ko bhulānā koshish-e-paiham

hai koī mahv-e-namāz aur ḳhum-kade meñ koī mast
dil mirā ishq-e-butān-e-dil-shikan meñ mast hai

aks-e-rū-e-sham.a-rū hai mere dil meñ jā-guzīñ
dil mirā is ātish-e-lam.a-fagan meñ mast hai

dil meñ liye shikāyat-e-be-mehrī-e-jahāñ
jaur-o-jafā ke dard ke maare chale ga.e

mire dil meñ kisī hasrat ke pas-andāz hone tak
nimaT hī jā.egā kār-e-jahāñ āhista āhista

kahāñ Thahrī hai ḳhvāhish koī dil meñ
mire dil se nikal jā.egā tū bhī

dil ko har-vaqt jo rahtī hai butoñ kī tasbīh
apne nāloñ ko samajhtā huuñ kī takbīreñ haiñ