Tags-Dil

ik iimā ik ishāra mar rahā hai
ufuq par dil ke taarā mar rahā hai

zamāñ-paimā yahī miqyās-e-dil thā
magar ab us kā paara mar rahā hai

kahāñ māñgī huī sāñseñ kahāñ dil
jilāyā thaa, dobāra mar rahā hai

jab vo but ham-kalām hotā hai
dil o diiñ kā payām hotā hai

dil ko rokūñ ki chashm-e-giryāñ ko
ek hī ḳhuub kaam hotā hai

kyā batā.eñ ham dil par 'shād' kyā guzartī hai
ġham chhupānā paḌtā hai jab ḳhushī ke paikar meñ

husn ke zer-e-bār ho ki na ho
ab ye dil be-qarār ho ki na ho

tere ḳhvāb-e-girāñ par ai dil-e-nādāñ ta.ajjub hai
ki tū sotā rahe saarā jahāñ bedār ho jaa.e

ye dil kuchh aaphī ho jaatā hai band aur aaphī khultā hai
na maiñ qaid is ko kartā huuñ na maiñ āzād kartā huuñ

is bad-dimāġh dil ne kiyā zabt kā bhī ḳhuun
ye sirf vārdāt hai ham ro nahīñ rahe

mujhe vahshat kā matlab kab pata thā aaj se pahle
kabhī aisā huā ye dil zarā ghabrā gayā

phir koī baat aa ga.ī dil meñ
maiñ use paas le hī aayā thā

dil sī nau-ḳhez kalī terī mohabbat ke liye
sīñch ke jazboñ se pahlū meñ khilā ke rakh lī

jab ki īdhar tirī nigāh paḌī
mere hī dil pe merī aah paḌī

be-tarah kuchh mire hī jaatā hai
dil pe hālat ajab tabāh paḌī

maiñ to sarā-e-shauq meñ dil kā kañval jalā chukā
ab ye tirī ḳhushī ki tū dekh ki raushnī na dekh