Tags-Dil

ai kaash jaan le tū mire dil kī dāstāñ
tum ho to zindagī kā taqāzā to maiñ bhī huuñ

rakhtā nahīñ huuñ dil meñ havāoñ kā kuchh bhī ḳhauf
rāhoñ meñ terī diip jalātā to maiñ bhī huuñ

shikva na raqīboñ se na jānāñ se gilā hai
mujh ko faqat apnī dil-e-nādāñ se gilā hai

huzūr-e-husn ye dil kāsa-e-gadā.ī hai
huuñ vo faqīr jise bhiik bhī na de koī

udhar qismat hai jo har dam nayā ġham ham ko detī hai
idhar ham haiñ ki har ġham ko hamesha dil meñ paalā hai

abhī tak ik khaTak sī hai abhī tak ik chubhan sī hai
agarche ham ne apne dil se har kāñTā nikālā hai

mire ai dil-e-alam-āshnā kisī vahm meñ na ho mubtalā
tujhe rakh sakeñge vo yaad kyā kabhī jin kā dil hī dukhā nahīñ

ye mah-e-do-hafta kī chāñdnī meñ dil-e-shikasta kī hasrateñ
kabhī mere dil hī se pūchh lo jo tumhāre dil ko patā nahīñ

jigar meñ soz hai aur dil meñ mere
mirā dard-e-nihāñ hai aur maiñ huuñ

garebāñ chaak laT uljhī huī haiñ
baḌā dilkash samāñ hai aur maiñ huuñ

is se behtar kahāñ iz.hār-e-ġham-e-dil karte
yuuñ tarāshā kiye lafzoñ ke badan dānista

paanī se sag-gazīda Dare jis tarah 'asad'
Dartā huuñ aa.ine se ki mardum-gazīda huuñ

dil mahv-e-jamāl ho gayā hai
yā sarf-e-ḳhayāl ho gayā hai

darmiyān-e-jism-o-jāñ hai ik ajab sūrat kī aaḌ
mujh ko dil kī dil ko hai merī anāniyat kī aaḌ

aa gayā tark-e-ḳhudī kā gar kabhī bhūle se dhyān
dil ne paidā kī har ek jānib se har sūrat kī aaḌ

dete haiñ dil ke evaz vo dard bahr-e-imtihāñ
lete haiñ nām-e-ḳhudā apnī tamāniyyat kī aaḌ

dil meñ rahtā hai us kamar kā ḳhayāl
kyā ye anqā kā āshiyānā hai

zulf ne naqd-e-dil kiye haiñ jam.a
ab to ye saañp koḌyālā hai

hasīn sūrat hameñ hamesha hasīñ hī ma.alūm kyuuñ na hotī
hasīn andāz-e-dil-navāzī hasīn-tar naaz barhamī kā

ye baḌā aib mujh meñ hai 'akbar'
dil meñ jo aa.e kah guzartā huuñ