Tags-Dil

dast-e-fitrat ke tarāshe hue do-barg-e-gulāb
dil ke TuuTe hue TukḌoñ ko banā.e hue hoñT

sahar pashemān-e-ārzū haiñ charāġh-e-shab the so jal bujhe ham
ḳhirāj ashkoñ kā ḳhūn-e-dil se jo ham ko lenā thā le chuke ham

ye sach hai ki auroñ hī ko tum yaad karoge
mere dil-e-nāshād ko kab shaad karoge

jis ko aane kī tasavvur meñ bhī fursat na mile
hāl-e-dil us ko sunā.ūñ to sunā.ūñ kaise

aag ho to use paanī se bujhā bhī luuñ 'jigar'
ye lagī dil kī hai maiñ us ko bujhā.ūñ kaise

kis se dil kā surāġh pā.eñge ham
tū hī ai aarzū agar na huī

hashr kā din bhī Dhal gayā 'fānī'
dil kī rūdād muḳhtasar na huī

kabhī se hālat-e-bīmār-e-dil sambhal jaatī
ilaaj karte agar chāra-gar salīqe se

koī tamannā koī masarrat dil ke qarīb aane hī na dī
kis ne kī hai ishq meñ yaaro ġham se mohabbat ham se ziyāda

uu kisvat the jiiv baas mahke sadā
tū uu baas nāriyāñ kā dil-band hai

ham dard-e-dil kaheñ to javāb is maze se do
qissa 'muhib' ye kis ko sunāte ho jab na tab

qātil rahbar qātil rahzan
dil sā dost na dil sā dushman

ḳhair mizāj-e-husn kī yā-rab
tez bahut hai dil kī dhaḌkan

dil ki mujassam ā.īna-sāmāñ
aur vo zālim ā.īna-dushman

dil ke zaḳhmoñ ko zamāne se chhupāne ke liye
hañsnā paḌtā hai yahāñ sab ko dikhāne ke liye

ḳhayāl-e-hijr se hālat taġhayyur hotī jaatī hai
uḌā jaatā hai mere dil se rañg-e-ārzū kyā kyā

bahut ai dil tirī rūdād-e-ġham ne tuul khīñchā hai
kabhī vo but bhī sunñe ko ye qissa muḳhtasar aayā

dhokā na khaao chārāgaro vāqi.āt se
pahlū meñ dil nahīñ hai to kyā dard bhī nahīñ

dil mujhe us galī meñ le jā kar
aur bhī ḳhaak meñ milā laayā

honā hai dard-e-ishq se gar lazzat-āshnā
dil ko ḳharāb-e-talḳhī-e-hijrāñ to kījiye