Tags-Dil

chāk-e-dil bhī kabhī silte hoñge
log bichhḌe hue milte hoñge

ajnabī shahr kī galiyoñ meñ 'adā'
dil kahāñ log hī milte hoñge

us galī se chalī dard kī rau magar shahr meñ ahl-e-dil haiñ na ahl-e-nazar
jaane kis sar se guzregī ye mauj-e-ḳhūñ jaane kis ghar ye sailāb-e-ġham jā.egā

tere ġham ke charāġhoñ kī sad-rañg zau ik kiran de sakegī na ehsās ko
bazm-e-jāñ itnī sunsān ho jā.egī shahr-e-dil itnā vīrān ho jā.egā

ishq ishq ho shāyad husn meñ fanā ho kar
intihā huī ġham kī dil kī ibtidā ho kar

dil hameñ huā hāsil dard meñ fanā ho kar
ishq kā huā āġhāz ġham kī intihā ho kar

baḌhtā hai na ghaTtā hai marte haiñ na jiite haiñ
dard par ḳhudā kī maar dil meñ rah gayā ho kar

kār-gāh-e-hasrat kā hashr kyā huā yā rab
dāġh-e-dil pe kyā guzrī naqsh-e-mudda.ā ho kar

jin ḳhvāboñ meñ us kī ḳhushbū phailī hai
un ḳhvāboñ ko dil meñ zinda rahne do

jamāl-e-yār se raushan huī mirī duniyā
vo chamkī dil meñ kiran māhtāb se pahle

dil-o-nigāh pe kyuuñ chhā rahā hai ai saaqī
ye terī aañkh kā nashsha sharāb se pahle

dil kī tum baat samajhte ho zabāñ go na hile
ḳhuub sunte ho jo chupke se sadā dete haiñ

kisī ko de ke dil koī navā-sañj-e-fuġhāñ kyuuñ ho
na ho jab dil hī siine meñ to phir muñh meñ zabāñ kyuuñ ho

chāñd thā sāhil-e-nafas ke qarīb ek din mere dil meñ Duub gayā
sub.h kā raaz rā.egāñ Thahrā shaam bhī ghul ga.ī tamāshe meñ

lahlahātā hai dil-e-ishrat meñ roz o shab vo naḳhl
jis ke barg o shāḳh meñ mausam mahaktā hai tirā

vo kahte haiñ ki dil meñ aap ne kis ko basāyā hai
maiñ kahtā huuñ ki ye duniyā-e-dil jāgīr kis kī hai

suno to ḳhuub hai Tuk kaan dhar merā suḳhan pyāre
ki āshiq par na honā is qadar bhī dil kaThan pyāre

taġhāful mat karo ai nau-bahār-e-gulshan-e-ḳhūbī
tumhāre bin nipaT be-āb hai dil kā chaman pyāre

mire dil kī kalī murjhā rahī hai sarsar-e-ġham señ
karo Tuk muskurā kar baat ai shīrīñ-dahan pyāre

chalo yuuñ sahī merā dil dil nahīñ thā
vafā kā lahū us meñ shāmil nahīñ thā