Tags-Dil

yaad hai un kī ki ik muaj-e-jamāl-o-rañg-o-bū
sham.eñ kaliyoñ kī sī us dil meñ farozāñ ho ga.iiñ

āñsuoñ ke zabt se betābī-e-dil baḌh ga.ī
is tarah simTīñ ye būñdeñ ek tūfāñ ho ga.iiñ

ahl-e-hunar ke dil meñ dhaḌakte haiñ sab ke dil
saare jahāñ kā dard hamāre jigar meñ hai

dil ko niyāz-e-hasrat-e-dīdār kar chuke
dekhā to ham meñ tāqat-e-dīdār bhī nahīñ

gunjā.ish-e-adāvat-e-aġhyār yak taraf
yaañ dil meñ zo.af se havas-e-yār bhī nahīñ

dil meñ hai yaar kī saf-e-mizhgāñ se rū-kashī
hālāñki tāqat-e-ḳhalish-e-ḳhār bhī nahīñ

baġhair dil ki ye qīmat hai saare aalam kī
kaso se kaam nahīñ rakhtī jins aadam kī

ma.asūm nazar kā bholā-pan lalchā ke lubhānā kyā jaane
dil aap nishāna bantā hai vo tiir chalānā kyā jaane

kah jaatī hai kyā vo chīn-e-jabīñ ye aaj samajh sakte haiñ kahīñ
kuchh sīkhā huā to kaam nahīñ dil naaz uThānā kyā jaane

ye zorā-zorī ishq kī thī fitrat hī jis ne badal Daalī
jaltā huā dil ho kar paanī aañsū ban jaanā kyā jaane

patthar kī lakīr hai naqsh-e-vafā ā.īna na jaano talvoñ kā
lahrāyā kare rañgīñ-sho.ala dil palTe khānā kyā jaane

jis naale se duniyā bekal hai vo jalte dil kī mash.al hai
jo pahlā luukā ḳhud na sahe vo aag lagānā kyā jaane

mafā.īlun kā paimāna bahut hī tañg hotā hai
jabhī to sher ham kahte nahīñ haiñ dil jigar vaale

us ke farmān sabhī dil kī siyāhī ne likhe
aisī tauhīn kahāñ nūr-nazāre kī huī

taḌaptī haiñ tamannā.eñ kisī ārām se pahle
luTā hogā na yuuñ koī dil-e-nākām se pahle

koī kaise kare dil meñ chhupe tūfāñ kā andāza
sukūt-e-marg chhāyā hai kisī kohrām se pahle

yuuñ ruuTh ke jaane pe maiñ ḳhāmosh huuñ lekin
ye baat mire dil ko gavārā to nahīñ hai

dil kā charāġh ḳhud hī jalāyā kabhī 'sadaf'
aur ḳhud hī us charāġh ko āḳhir bujhā diyā

dil se agar kabhī tirā armān jā.egā
ghar ko lagā ke aag ye mehmān jā.egā

ghire the maslahat-andesiyoñ meñ puurī tarah
jo dil kā saath na dete to mar ga.e the ham