Tags-Dil

vo dil jo nām-e-mohabbat pe muskurātā hai
harīf-e-gardish-e-daurāñ nahīñ to kuchh bhī nahīñ

yuuñ ilāj-e-dil bīmār kiyā jā.egā
sharbat-e-dīd se sarshār kiyā jā.egā

ye milī daad rañj-e-furqat kī
aur dil kā kahā kare koī

ḳhanjar se chiir siina agar dil na ho do-nīm
dil meñ chhurī chubho mizha gar ḳhūñ-chakāñ nahīñ

hai nañg-e-sīnā dil agar ātish-kada na ho
hai ār-e-dil nafas agar āzar-fishāñ nahīñ

barq-e-ba-jān-e-hausla ātish-fagan 'asad'
ai dil-fasurda tāqat-e-zabt-e-fuġhāñ nahīñ

us kā bāzār-e-havas meñ qadar-dāñ hī kaun thā
jins-e-dil kī phir yahāñ kyuuñ itnī arzānī huī

hai ajiib chiiz ma-e-junūñ kabhī dil kī pyaas nahīñ bujhī
magar ab milā ke to dekh luuñ zarā ek qatra-e-āgahī

mirī ḳhāmushī mirī be-hisī yahī merā rāz-e-fasurdagī
kabhī so gayā huuñ to jaag uThī hai ye dil kī choT dabī dabī

mar ga.e ham par na aa.e tum ḳhabar ko ai sanam
hausla ab dil kā dil hī meñ mirī jaañ rah gayā

sambhal sakī na tabī.at kisī tarah merī
rahā na dil pe mujhe iḳhtiyār eid ke din

vo saal bhar se kudūrat bharī jo thī dil meñ
vo duur ho ga.ī bas ek baar eid ke din

dil churā le ga.ī duzdīda-nazar dekh liyā
ham na kahte the ki us chor ne ghar dekh liyā

banda-parvar ġham-e-furqat kā asar dekh liyā
dāġh-e-dil dekh liyā dāġh-e-jigar dekh liyā

mai piine kā dil meñ josh na thā zāhir kī talab thī hosh meñ aa
saaqī ne milāyā zahar agar ai munkir-e-ehsāñ kuchh na kiyā

kyā jī ke karūñgā maiñ tanhā yaañ taab kahāñ baaqī dil ko
be-maut ke ab maarā na mujhe to dāġh-e-azīzāñ kuchh na kiyā

mutma.in garmī-e-ehsās-e-jafā se bhī nahīñ
dil ko pahuñche bhī to ārām kahāñ tak pahuñche

tark ḳhvāhish-e-zar kar kīmiyā-garī ye hai
dil meñ rakh ḳhayāl-e-dost shīsha-o-parī ye hai

ġham agarche jāñ-gusil hai pa kahāñ bacheñ ki dil hai
ġham-e-ishq gar na hotā ġham-e-rozgār hotā

sitam hai dil ke dhaḌakne ko bhī qarār kaheñ
tumhāre jabr ko apnā hī iḳhtiyār kaheñ