Tags-Dil

dil dhaḌaktā nahīñ Tapaktā hai
kal jo ḳhvāhish thī aabla hai mujhe

vaz.a-dārī ke vo pahre haiñ ki ai jazba-e-dil
sañg aur aa.ina ik saath uThā.eñ kaise?

ḳhushk āñkhoñ meñ utarne se bhalā kyā hogā
dil hai sad-pāra bhalā is meñ biThā.eñ kaise?

dhaḌakte dil jaisī sā.atoñ vaale roz-o-shab ab kahāñ se laa.eñ
gire hue ḳhushk mausamoñ meñ na jaane kab ke vo kho chuke haiñ

ḳhud apnī ḳhvāhish pe jaan dene kā naam rakkhā hai ishq-o-ulfat
huā havas meñ ye ḳhud-farebī ke jaal kyā dil-nashīñ bune haiñ

hijr ke din kī raat huī barsāt huī
aañkh se dil kī baat huī barsāt huī

tanhā thā to saaf rahā ye matl.a-e-dil
yaad tumhārī saat huī barsāt huī

dil kā album khol ke gum-sum baiThā thā
tasvīroñ se baat huī barsāt huī

aah jo dil se nikālī jā.egī
kyā samajhte ho ki ḳhālī jā.egī

dil diyā hai ham ne bhī vo māh-e-kāmil dekh kar
zard ho jaatī hai jis ko sham-e-mahfil dekh kar

balliyoñ fart-e-masarrat se uchhal jaatā hai dil
bahr-e-ġham meñ duur se dāmān-e-sāhil dekh kar

dekh to leñ dil meñ tere ghar bhī kar sakte haiñ ham
dil to ham deñge tujhe lekin tirā dil dekh kar

ārzu-e-hūr kyā ho 'nāz' dil de kar unheñ
sham.a par kyā aañkh Dāleñ māh-e-kāmil dekh kar

ab na bahal sakegā dil ab na diye jalā.iye
ishq-o-havas haiñ sab fareb aap se kyā chhupā.iye

terī peshānī ke sitāre ko
dil mirā chūmne ko aayā thā

ye kah ke apne dil ko dete haiñ ham tasallī
puure hue haiñ kis ke armān zindagī meñ

tumhāre dil meñ hai ik karb sā kisī ke liye
ye baat ham ne paḌhī hai tumhāre chehre se

jale dil to yaqīnan laboñ pe hogī karāh
dhuāñ to phailegā jañgal meñ aag lagne se

jis vaqt āñkheñ ḳhvāb ā.īna dil hotā hai
sher nahīñ likkhā jaatā nāzil hotā hai