Tags-Dil

vaañ chaah nahīñ miltī hai yaañ chain nahīñ hai
taskīn-e-dil-e-zār idhar hai na udhar hai

'jauhar' ye ġham-e-rāh ye dushvārī-e-manzil
kahtā hai mirā dil ki qayāmat kā safar hai

majbūr-e-ġham-e-duniyā dil se to koī pūchhe
ehsās kī rag meñ hai ḳhār-e-ġham-e-jānāñ bhī

dil meñ utrī hai nigah rah ga.iiñ bāhar palkeñ
kyā ḳhadañg-e-nigah-e-yār kī haiñ par palkeñ

kyā tamāshā hai ki Daale mire dil meñ sūrāḳh
aur ḳhuuñ meñ na huiiñ un kī kabhī tar palkeñ

chaaT detā hai tirā dil unheñ ḳhūñ-rezī kī
tez kartī haiñ isī sañg pe ḳhanjar palkeñ

lī ga.iiñ dil ko vo duzdīda nigāheñ ab yaañ
kyā dharā hai jo chaḌhā laatī haiñ lashkar palkeñ

kiina kuchh shart nahīñ un kī dil-āzārī ko
nīsh-e-aqrab haiñ tirī shoḳh sitam kar palkeñ

milne kī tarah mujh se vo pal bhar nahīñ miltā
dil us se milā jis se muqaddar nahīñ miltā

kam-fursatī se umr kī apnī hazār haif
jitnī thiiñ ḳhvāhisheñ vo rahīñ dil meñ sab kī sab

aañkh se bah jā.egā dil meñ agar baaqī rahā
qatra-e-ḳhūñ dāstān-e-dard kī takmīl tak

sab kā dil lete haiñ aur apnā nahīñ dete haiñ
aap ham ko baḌe hoshyār nazar aate haiñ

kabhī tū ne ḳhud bhī sochā ki ye pyaas hai to kyuuñ hai
tujhe pā ke bhī mirā dil jo udaas hai to kyuuñ hai

kabhī pūchh us ke dil se ki ye ḳhush-mizāj shā.ir
bahut apnī shā.irī meñ jo udaas hai to kyuuñ hai

tirā kis ne dil bujhāyā mire 'e.atibār-sājid'
ye charāġh-e-hijr ab tak tire paas hai to kyuuñ hai

matā.a-e-zindagānī aur bhī barbād karte haiñ
ham is sūrat se taskīn-e-dil-e-nāshād karte haiñ

nazar aatā hai un meñ beshtar ik narm-o-nāzuk dil
masā.ib ke liye siine ko jo faulād karte haiñ

asīr-e-dā.imī gar dil na ho to aur kyā ho jab
kahīñ vo muskurā kar jā tujhe āzād karte haiñ

hameñ ai dosto chup-chāp mar jaanā bhī aatā hai
taḌap kar ik zarā dil-jūī-e-sayyād karte haiñ

toḌ kar dil nigah-e-mast na pher ai saaqī
bazm kī bazm hī be-jām huī jaatī hai