Tags-Dil

churā le gayā koī dil bhī jigar bhī uḌā le gayā koī sabr-o-sukūñ bhī
yaqīñ hai tamannā nikalte nikalte nikal jā.egā āshiqoñ kā divālā

fuġhāñ kī bhī imdād hāsil karūñ maiñ mohabbat ko bhī kuchh tavajjoh dilā.ūñ
bharam jazb-e-dil kā nikalne na paa.e nikal aa.e parde se vo parde vaalā

ye matlab thā armān us ke na nikleñ jo taḌpeñ to kuchh aur pechīdgī ho
mire ḳhāna-e-dil meñ rañj-o-alam ne tanā har taraf ḳhuub makḌī kā jaalā

ye mai-kashī kā sabaq hai na.e nisāb ke saath
ki ḳhūn-e-dil hameñ piinā hai ab sharāb ke saath

sāf-o-shaffāf thī paanī kī tarah niyyat-e-dil
dekhne vāloñ ne dekhā ise gadlā kar ke

dāġh-e-dil apnā kisī tarah dikhā.e na bane
aur chāhūñ jo chhupānā to chhupā.e na bane

dāman-e-dil meñ vo jab chāheñ lagā deñ ik aag
ham agar chāheñ bujhānā to bujhā.e na bane

naaz hai tāqat-e-guftār pe 'māhir' ko magar
dil pe guzrī hai kuchh aisī ki sunā.e na bane

dil kī dhaḌkan sunī to vo bole
ye khanaktā sitār kaisā hai

nabz ne lauTte hī pūchhā thā
suune dil kā dayār kaisā hai

mujh meñ himmat nahīñ lagā.ūñ dil
aur dekhūñ ki pyaar kaisā hai

ashk āñkhoñ meñ kasak dil meñ nazar meñ ummīd
ishq detā hai mohabbat meñ nishānī kyā kyā

kaise rafū karūñ maiñ kahāñ se rafū karūñ
dil bhī hai merā chaak garebān hī nahīñ

rūdād-e-dil bhī hai ye ġham-e-kā.enāt bhī
merī ġhazal nashāt kā sāmān hī nahīñ

gosha-e-dil kī ḳhamoshī kā tamannā.ī maiñ
aur hañgāme uThā laayā hai bāzār se tū

tirī koshish ham ai dil sa.i-e-lā-hāsil samajhte haiñ
sar-e-manzil tujhe begāna-e-manzil samajhte haiñ

ab dil ko kisī karvaT ārām nahīñ miltā
ik umr kā ronā hai do din kī shanāsā.ī

dil mohabbat makān hai goyā
aarzū kā jahān hai goyā

vo qibla is galī se jā chukā thā
namāz-e-dil adā hone se pahle

dil meñ 'nasīm' husn kī takfīl ke liye
āñkhoñ ne kaise kaise idāre banā.e the