Tags-Dil

vo ayādat ko na aayā kareñ maiñ dar guzrā
hāl-e-dil pūchh ke aur aag lagā jaate haiñ

bār-e-ḳhātir bāġhbāñ kā ne dil-āzār-e-chaman
sab se rahtā huuñ alag juuñ ḳhār-e-dīvār-e-chaman

ne dhuāñ dil se uThe yaaro na parvāna jale
ātish-e-ḳhāmosh huuñ mānind-e-gulzār-e-chaman

maiñ vo ma.anī-e-ġham-e-ishq huuñ jise harf harf likhā gayā
kabhī āñsuoñ kī bayāz meñ kabhī dil se le ke kitāb tak

shajar-e-ishq hameñ daar ke mānand bhī hai
dil kisī shāḳh-e-tarab-nāk se paivand bhī hai

dil-e-nādāñ se nahīñ ahl-e-jahāñ se pūchho
koī mīsāq-e-mohabbat pe razā-mand bhī hai

chhoḌ bhī aa.e vo ghar bhuul bhī aa.e haiñ vo yaad
dil meñ kuchh TuuTe hue tiir ke mānand bhī hai

soz-e-parvāna nūr-e-dīn-e-sham.a
tār-e-zunnār dil-nashīn-e-sham.a

der lagī aane meñ tum ko shukr hai phir bhī aa.e to
aas ne dil kā saath na chhoḌā vaise ham ghabrā.e to

chāhat ke badle meñ ham to bech deñ apnī marzī tak
koī mile to dil kā gāhak koī hameñ apnā.e to

nādānī aur majbūrī meñ yaaro kuchh to farq karo
ik be-bas insān kare kyā TuuT ke dil aa jaa.e to

sannāTe chīḳhte haiñ mire chār-sū magar
dil meñ hai iztirāb kā mahshar lagā huā

agar ghar se ba-qasd-e-sair nikle vo kamāñ-abrū
to bahr-e-tā.ir-e-dil har mizha sūfār ban jaa.e

agar ā.īna-e-dil saaf ho husn-e-tavajjoh se
har ik āñkhoñ kā parda parda-e-asrār ban jaa.e

rachā huā hai tirī kam-nigāhiyoñ kā karam
nashe kī tarah mire dil meñ sarḳhushī ban kar

ḳhud se aage qadam nahīñ jaatā
marhala dil kā sar kareñ kaise

jab ḳhuun ho chukā dil-e-hastī-e-etibār
kuchh dard bach rahe jinheñ insāñ banā diyā

hamāre paas bhī dil hai ye aksar bolte haiñ
mohabbat kar ke phūloñ se ye patthar bolte haiñ

dil meñ jo lahū-jhīl thī vo suukh chukī hai
āñkhoñ kā do-ābā hai so be-kār paḌā hai

dil bayāz-e-umr kī aurāq-gardānī meñ hai
kyā ḳhabar hai kaun sā safha khulā rah jā.egā