Tags-Dil

dil ke kisī pinhāñ goshe meñ an-jānī koī haar chhipī hai
jaan tapāk haiñ terī bāteñ maiñ be-bāt bhaTak jaatā huuñ

dīda-e-vā ke damakte ḳhvābo mere saath chaloge kab tak
tum ki vafūr-e-rañg-o-navā ho maiñ ki shikast-e-dil kī sadā huuñ

mahfil meñ un kī khul gayā dil kā muāmla
palkoñ pe ashk rah ga.e piine ke ba.ad bhī

saare dil ek se nahīñ hote
farq hai kañkar aur nagīne meñ

ashk jo aañkh meñ ubalte haiñ
diip dil ke unhī se jalte haiñ

dil dhaḌakne kī bhī āvāz nahīñ
sāneha kāhish-e-jāñ kaisā hai

aaj tak zaḳhm hare haiñ dil ke
marham-e-chāra-garāñ kaisā hai

jurm ke ba.ad khulā dil pe dar-e-ḳhauf-e-sazā
zehan bedār huā subah ke āġhāz ke saath

dil lahū jab talak na ho 'aḳhgar'
rañg-e-husn-e-talab nahīñ aatā

chashm-e-havas hai shefta-e-husn-e-zāhirī
dil āshnā-e-ma.ani-e-begāna ho gayā

dair o haram bhī Dhah ga.e jab dil nahīñ rahā
sab dekhte hī dekhte vīrāna ho gayā

tū vo aafat hai koī tujh se uThā saktā hai dil
dekh le koī jo tujh ko dil pakaḌ kar baiTh jaa.e

dosto merī nahīñ taqsīr dil dene meñ kuchh
dil vo le kar hī uThe jab paas aḌ kar baiTh jaa.e

muft le lete haiñ dil āshiq se apne vo 'nizām'
laakh phir māñge koī thak kar jhagaḌ kar baiTh jaa.e

dil meñ hai us ke mudda.ī kā ishq
ḳhaak samjhe hai vo kisī kā ishq

maiñ sañg-e-rāh nahīñ dil ke is do-rāhe par
khaḌā huā huuñ faqat apnī raah dekhne ko

ai dil muaaf kar de 'nizāmī' kī be-ruḳhī
Darte haiñ is zamāne meñ har bad-gumāñ se ham

fasl-e-gul kā ġham dil-e-nāshād par baaqī rahā
hashr lag ye muzlima sayyād par baaqī rahā

khol chashm-e-lutf de jāgīr maqsūd-e-'sirāj'
sham.a-rū parvāna-dil sayyād par baaqī rahā

dil-e-zaḳhmī hai shā.eq bū-e-gul aur shor-e-bulbul kā
rafū-gar fasl-e-gul meñ ye garebāñ chaak rahne de