Tags-Dil

sū-e-kalkatta jo ham ba-dil-e-dīvāna chale
gungunāte hue ik shoḳh kā afsāna chale

āshiqoñ ko ai falak devegā tū āzār kyā
dushman-e-jāñ un kā thoḌā hai dil-e-bīmār kyā

murġh-e-dil ke vāste ai ham-safīro kam hai kyuuñ
kuchh qazā ke tiir se tīr-e-nigāh-e-yār kyā

chal ke mai-ḳhāne hī meñ ab dil ko bahlāo zarā
'aish' yaañ baiThe hue karte ho tum begār kyā

pur-ḳhūñ hai jigar lāla-e-sairāb kī saugand
rañgīnī-e-dāġh-e-dil-e-betāb kī saugand

tasvīr hai tujh yaad siiñ ā.īna-e-dil aaj
hairat-vashī-e-dīda-e-be-ḳhvāb kī saugand

rahte the kabhī jin ke dil meñ ham jaan se bhī pyāroñ kī tarah
baiThe haiñ unhīñ ke kūche meñ ham aaj gunahgāroñ kī tarah

yaad se terī dil-e-nāshād apnā shaad hai
zikr terā mere dard-e-fikr kā darmāñ huā

ye kaisī dil kī lagī hai ki apnī umr-e-azīz
miTā.e dete haiñ ham ek ajnabī ke liye

umr ke fāsle tai kar na sakā jazba-e-shauq
ḳhūn-e-dil kuchh bhī nahīñ qalb-e-tapāñ kuchh bhī nahīñ

DhūñDhiye chal ke kahīñ umr-e-guzishta kā surāġh
kashtī-e-dil ke liye sail-e-zamāñ kuchh bhī nahīñ

in nazāroñ meñ nazar apnī bhī jānib 'mas.ūd'
vādī-e-gul meñ ba-juz dil kā ziyāñ kuchh bhī nahīñ

āhuvān-e-shab gurezāñ hoñ to un kī raah meñ
dām-e-dil rakh dījiye dām-e-nazar rakh dījiye

hashr tak laayā jahāñ se dard-e-dil
kis ko detā kyā koī sauġhāt thī

hichkiyoñ se rāz-e-ulfat khul gayā
aa ga.ī muñh par jo dil meñ baat thī

ruuh gar nauha-kunāñ ho to ġhazal hotī hai
dil ko ehsās-e-ziyāñ ho to ġhazal hotī hai

kaash vo dil pe rakhe haath aur itnā pūchhe
kyuuñ taḌap uThtā hai kyā baat hai kyā hotā hai

bazm-e-dushman hai ḳhudā ke liye ārām se baiTh
baar baar ai dil-e-nādāñ tujhe kyā hotā hai

dekhiye aage aage kyā kuchh ho
dil kī harkat ye kuchh abhī se hai

ḳhauf se tum se kah nahīñ sakte
dil meñ ik aarzū kabhī se hai