Tags-Dil

dil ko apne kyā kisī kā ghar kahūñ
aaj ḳhalvat-ḳhāna kal bāzār hai

maiñ vo dil huuñ dabistān-e-alam kā
jise ro.egī barsoñ shādmānī

muzhda ye sabā us but-e-be-bāk ko pahuñchā
ye dūd-e-dil-e-soḳhta aflāk ko pahuñchā

din Dhale kuchh aur ghabrātā hai dil
shaam se pahle chale aayā karo

qīmat meñ dīd-e-ruḳh kī ham naqd-e-jāñ lagāte
bāzār-e-nāz lagtā dil kī ḳharīd hotī

jalve dikhāte jaate vo tarz-e-dilbarī ke
aur dil meñ yaañ havā-e-nāz-e-mazīd hotī

teġh-e-nazar se dil par vo vaar karte jaate
aur lab pe yaañ sadā-e-hal-mim-mazīd hotī

abrū se un ke ġhamza tīr-e-adā lagātā
ye dil qatīl hotā ye jaañ shahīd hotī

thā kabhī ilm aadmī dil aadmī pyaar aadmī
āj-kal zar aadmī qasr aadmī car aadmī

dil raheñ haiñ sauma-e-dastār rehn-e-mai-kada
thā zamīr 'ja.afarī' bhī ik mazedār aadmī

taqlīd ye achchhī kī saaqī ne mire dil kī
TuuTe hue shīshe kā paimāna banā rakhā

afsos na kī dil kī kuchh qadr 'azīz' afsos
ka.aba thā use tū ne but-ḳhāna banā rakkhā

is āḳhirī nazāre ko gar apnā bas chale
har shai kī dauḌ se dil-e-be-tāb bāñdh leñ

yuuñ ho ki aarzū na ubhar paa.e phir kabhī
dil ke lahū se rishta-e-girdāb bāñdh leñ

'shāhīn' us kī nazr kareñge ḳhirāj-e-dil
shīrāza-e-junūñ meñ nayā baab bāñdh leñ

jo uThī thī merī taraf kabhī dil-e-mo'tabar kī talāsh meñ
merī saarī umr guzar ga.ī usī ik nazar kī talāsh meñ

idhar taqāze haiñ maslahat ke udhar taqāzā-e-dard-e-dil hai
zabāñ sambhāleñ ki dil sambhāleñ asiir zikr-e-vatan se pahle

ahl-e-zabāñ to haiñ bahut koī nahīñ hai ahl-e-dil
kaun tirī tarah 'hafīz' dard ke giit gā sake

sukūñ-girafta na dil hī na aañkh ḳhūñ-basta
tamām umr rahīñ nā-rasā.iyāñ kyā kyā

ab tumhārī yaad se paḌte haiñ yuuñ dil meñ bhañvar
jaise kañkar pheñk de koī bhare tālāb meñ