Tags-Dil

ahl-e-dil jaate the pahle sirf maqtal kī taraf
ḳhud-kushī bhī ab hai shāmil ishq ke ādāb meñ

zaḳhm agar bhar jā.egā to bhuul jā.ūñgā use
ye duā do zaḳhm-e-dil kī tāzgī baaqī rahe

tanhā tanhā phirte haiñ
dil vīrāñ āñkheñ be-nūr

dil kī dhaḌkan kahtī hai
aaj koī aa.egā zarūr

dil-girafta huuñ jahāñ-shād huuñ maiñ
ek majmua-e-azdād huuñ maiñ

safed-poshī-e-dil kā bharam bhī rakhnā hai
tirī ḳhushī ke liye terā ġham bhī rakhnā hai

aap hī aap hai pukār uThtā
dil bhī jaise ghaḌī farañgī hai

kyā dil-fareb hai tire ḳhvāb-e-girāñ kā husn
tujh se nihāñ tire lab-o-ruḳhsār dekhnā

koī baaqī mere dil meñ kahīñ armān hogā kyā
udāsī ke sivā merā koī paridhān hogā kyā

kū-e-jānāñ meñ bhī ab is kā pata miltā nahīñ
dil mirā ghabrā ke kyā jaane kidhar jaatā rahā

sab miT ga.e māñge hai magar terī nazar aur
ab laa.eñ kahāñ se batā dil aur jigar aur

zideñ mohabbat se aisī aa.iiñ ḳhayāl rakkhā na apne ghar kā
butoñ ne ka.abe ko muft Dhāyā kisī ke dil ko dukhā dukhā kar

vo shoḳh be-e'tibār kāfir rahā na tanhā gayā na tanhā
jo dard uTThā uThā uThā kar to dil ko baiThā biThā biThā kar

gudāz karte haiñ mere dil ko vo yuuñ biThāte haiñ apnā sikka
jalī kaTī ho rahī hai kyā kyā adū se mujh ko sunā sunā kar

kahīñ na zulfoñ se khul paḌā ho mujhe hai andesha apne dil kā
ki purze purze uḌā rahā thā adū koī shai dikhā dikhā kar

mar chukīñ kab kī tamannā.eñ sisak kar lekin
dil kī dīvār se rātoñ ko koī sar paTke

Daal dil khol ke in TuuTe hue shīshoñ meñ
sañg aa.e haiñ bahut raah meñ ham par pyāre

kaun utregā mire dil ke gulistānoñ meñ
kaun guzregā mire chehre ke sahrāoñ se