koī baaqī mere dil meñ kahīñ armān hogā kyā
udāsī ke sivā merā koī paridhān hogā kyā
tumhārī manzileñ haiñ tum ne ḳhud mushkil baḌhā.ī hai
kisī ke saath chalne se safar āsān hogā kyā
na chiḌiyoñ kī koī aahaT na jhoñke hī havā ke haiñ
bahut lagtā hai Dar mujh ko nagar vīrān hogā kyā
ka.ī armān mujh meñ toḌ kar dam jī rahe hoñge
mujhe ḳhud dafn honā hai kahīñ shamshān hogā kyā
ġhamoñ meñ muskurā.e haiñ ġhazal hī gungunā.e haiñ
hamārā mahfiloñ meñ bhī kabhī sammān hogā kyā