Tags-Dil

har har baat meñ ro ro ke ghabrā ghabrā kar bologe
kaise ġharīb ġharīb se ho kar dil kī bāteñ sunāoge tum

dil meñ tum apne mat laanā jiite rahe gar mīr-'razā'
de dil us kā haath meñ le ke jaise dil ko lagāoge tum

dil meñ hai talab aur duā aur tarah kī
hai ḳhāk-nashīnī kī sazā aur tarah kī

is amal se dil-e-fankār pe kyā guzregī
le ke mahtāb agar sham.a kī qīmat dī jaa.e

atā karegā agar vo mālik
vo dil kī dhak dhak huā karegā

hai raas dil ko udaas mausam
ki dukh ko dil hī sahā karegā

uThī ho siskī kisī ke dil se
Daro ki vo dil sadā karegā

kasak uThegī hamāre dil se
kisī se gar vo milā karegā

maiñ sañgsār jo hotā to phir bhī ḳhush rahtā
khaTak rahā hai magar dil meñ ik gulāb kā zaḳhm

dil-e-afsurda ne vo gul khilā.e
jahāñ tak dekhūñ vīrānī hai mujh meñ

maiñ bhī hassās dil kā mālik huuñ
saare ehsās apne naam na kar

vo hañsī dil meñ ghanTiyāñ sī haiñ
devtāoñ ne phuul barsā.e

ho nashāt-e-dil ki malāl-e-dil hameñ pesh karnā jamāl-e-dil
kabhī hañs ke phuul khilā liye kabhī roke motī piro liye

sabhī log mast-e-shu.ūr haiñ ki ḳhudī ke nashshe meñ chuur haiñ
koī ġham-shanās nahīñ yahāñ ġham-e-dil kisī pe na kholiye

us ne ik baar mujhe pyaar se bolā thā 'sa.īd'
merā dil hai kabhī siine se lagā.ūñ tujh ko

jo dil meñ hai muñh phoḌ ke barvar nahīñ kahte
maarā mujhe yāroñ kī durust aur bajā ne

na butoñ ke na ab ḳhudā ke rahe
ham kahīñ ke na dil lagā ke rahe

us ne har-chand uzr-e-ḳhvāb kiyā
hāl-e-dil ham magar sunā ke rahe

dukān-e-dil meñ navādir saje hue haiñ magar
ye vo jagah hai ki aate nahīñ luTere tak

mujhe qubūl haiñ ye gardisheñ tah-e-dil se
raheñ jo sirf tire bāzuoñ ke ghere tak