Tags-Dil

'sajjād' koī hiila ki lau de uThe ye dil
dam ghuT rahā hai ḳhuun ke is injimād se

daḳhl har dil meñ tirā misl-e-suvaidā ho gayā
al-amāñ ai zulf-e-ālam-gīr saudā ho gayā

go paḌā rahtā huuñ āb-e-ashk meñ misl-e-habāb
sozish-e-dil se magar sab jism chhālā ho gayā

baḳhshe hai vahī ḳhaak ko dīn-o-dil-o-īmāñ
ġhārat-gar-e-dīn-o-dil-o-īmān vahī hai

dil hai so ghar us kā hai makāñ jān-o-tan us kā
yaañ sāhab-e-ḳhāna vahī mehmān vahī hai

shikāyat-e-adm-e-tavajjohī bajā sahī magar
nasīb-e-ahl-e-anjuman nahīñ hai dil dukhā huā

guzar gayā vaqt dil pe likh kar na jaane kaisī ajiib bāteñ
varaq palaTtā huuñ maiñ jo dil ke to sādgī ab kahīñ nahīñ hai

nikalnā ho dil se dushvār kyuuñ
ye ik aah hai is kā paikāñ nahīñ

ḳhākistar-e-dil meñ to na thā ek sharar bhī
bekār use barbād kiyā mauj-e-sabā ne

sham-e-hasrat jalā ga.e aañsū
raunaq-e-dil baḌhā ga.e aañsū

aa ga.ī kaam dil kī be-tābī
ḳhalish-e-ġham baḌhā ga.e aañsū

tham ga.e jab firāq meñ naale
dil meñ tūfāñ uThā ga.e aañsū

jis ko dil se lagā ke rakkhā thā
vo ḳhazāna luTā ga.e aañsū

vo kyā ḳhushī thī jo dil meñ bahāl rahtī thī
magar vaj.h nahīñ bantī thī muskurāne kī

dil kī zamīñ par ham ne ik konā bhī ḳhālī chhoḌā hai
shaam ko vāpas aa kar jis meñ yaad tumhārī baiThegī

mere bachāo kī to mere yaar hī kuchh tadbīr kareñ
aañkh se zarb lagī hai dil par zarb to kaarī baiThegī

dard-e-dil kitnā pasand aayā use
maiñ ne jab kī aah us ne vaah kī