Tags-Dil

dil ne āñkhoñ se kahī āñkhoñ ne dil sī kah dī
baat chal niklī hai ab dekheñ kahāñ tak pahuñche

aañkh se aañkh kahe dil se hoñ dil kī bāteñ
vaa.e vo arz-e-tamannā jo zabāñ tak pahuñche

tum se bichhḌe hue ek muddat huī din guzartā rahā vaqt Taltā rahā
shaam aatī rahī dil dhaḌaktā rahā ham charāġh-e-mohabbat jalāte rahe

ek tum hī na the varna har chiiz thī chāñd ke saath thī raat kī dil-kashī
saaz bajtā rahā lai ubhartī rahī raqs hotā rahā log gaate rahe

yuuñ na koī jiye jis tarah ham jiye zindagī bhar kisī ko na apnā sake
bevafā.ī mirā dil jalātī rahī pyaar ke naam par choT khāte rahe

phir zarā jhalkī dikhā kar ik zarā chhup jā.iye
dil ke har zarre meñ ābād ek duniyā kījiye

dil hamārā hai ham is ke haiñ azal se rāz-dār
aap ḳhud aa kar sar-e-bāzār rusvā kījiye

kaun kahtā hai ki in qissoñ ko phir dohrā.iye
dil kī ābādī miTā kar zikr-e-sahrā kījiye

rāzdārī ishq meñ 'ālim' nahīñ chhoTī sī baat
dil hī dil meñ sochtā rahtā huuñ ab kyā kījiye

maqtal-e-shauq ke ādāb nirāle haiñ bahut
dil bhī qātil ko diyā karte haiñ sar se pahle

har kas-o-nā-kas ho kyūñkar kām-gār-e-be-ḳhudī
ye hunar sīkhā hai dil ne ik baḌe ustād se

ahl-e-dil gar jahāñ se uThtā hai
ik jahāñ jism o jaañ se uThtā hai

na girtā maiñ ai 'nāz' un kī nazar se
dil apnā ye kam-baḳht hotā jo bas meñ

har ḳhushī dil se kyuuñ lagā baiTheñ
kis meñ ġham ho pata nahīñ hotā

ham ne ik shahr basā rakkhā hai dīvāroñ meñ
kaam jo dil ne kiyā chashm-e-tamāshā na kare

ham use ranj-e-tamannā se to bhar sakte haiñ
aur ye dil hai ki ab koī taqāzā na kare

dil meñ rakkhā thā sharār-e-ġham ko aañsū jaan ke
haañ magar dekhe ajab andāz is tūfān ke

dil meñ le kar ham aas phirte rahe
ham ḳhushī meñ udaas phirte rahe

rishta-e-dil kisī se TuuTā hai
roz rāheñ na.ī badaltā huuñ

dil muztarib hai aur siyāhat hai be-maza
jaadū abhī hamāre saroñ par gharoñ kā hai