Tags-Dil

mirī bazm-e-dil to ujaḌ chukī mirā farsh-e-jāñ to simaT chukā
sabhī jā chuke mire ham-nashīñ magar ek shaḳhs gayā nahīñ

jo dil-o-nazar kā surūr thā mire paas rah ke bhī duur thā
vahī ek gulāb umiid kā mirī shāḳh-e-jāñ pe khilā nahīñ

pas-e-kārvāñ sar-e-rahguzar maiñ shikasta-pā huuñ to is liye
ki qadam to sab se milā liye mirā dil kisī se milā nahīñ

hamāre shīsha-e-dil ko sambhal kar haath meñ lenā
nazākat is meñ itnī hai nazar se jab girā TuuTā

ab dil kī vus.atoñ meñ zarā aa ke dekhiye
yādoñ kī sar-zamīñ pe gulāboñ ke silsile

dil pāgal hai roz na.ī nādānī kartā hai
aag meñ aag milātā hai phir paanī kartā hai

hāl-e-dil sunāne meñ umr biit jaatī hai
dil meñ ghar banāne meñ umr biit jaatī hai

taḌapte rahte haiñ dil ke navāh meñ 'jāved'
bahut se azhdahe jībheñ nikāl ke andar

maiñ dil-e-girafta tujhe gungunātā rahtā huuñ
bahut dinoñ se mire yaar zer-e-lab hai tū

yaar rūThā hai ham señ mantā nahiñ
dil kī garmī siiñ kuchh o pahntā nahiñ

na kar dil-jūī ai sayyād merī
ki fitrat hai bahut āzād merī

kyā vo ḳhvāhish ki jise dil bhī samajhtā ho haqīr
aarzū vo hai jo siine meñ rahe naaz ke saath

is dil kī imārat meñ tum jalva dikhā jaanā
yā nūr-e-mubīñ ban kar āñkhoñ meñ samā jaanā

apnā to shikasta-dil ik ḳhāna-e-vīrāñ hai
qadmoñ se ise apne ābād banā jaanā

dil-soz kab hue haiñ ki jab ḳhaak ho gayā
turbat pe merī sham.a jalā.ī tamām shab

ik āh-e-dil-nashīñ se vo but munfa.il huā
vallāh kyā nadāmat uThā.ī tamām shab

zehn-o-dil tafrīq ke qaa.il nahīñ
kyā karūñ apnā parāyā jaan kar

ham bayābānoñ meñ ghūme shahr kī saḌkoñ pe Tahle
dil kisī sūrat to sambhle dil kisī sūrat to bahle

ab vo phirte haiñ isī shahr meñ tanhā liye dil ko
ik zamāne meñ mizāj un kā sar-e-arsh-e-barīñ thā

dil kā bhī rakhnā thā ham ko kuchh ḳhayāl
is tarah aañsū bahānā hī na thā