Tags-Dil

hālāt mire dil ko lagāne nahīñ dete
āñkhoñ meñ tire ḳhvāb sajāne nahīñ dete

kuchh ḳhvāb mirī zaat se baḌh kar bhī to haiñ jo
phir dil ko tirī aas lagāne nahīñ dete

raunaq-e-dil baḌhā.e rakhte haiñ
ġham ko mehmāñ banā.e rakhte haiñ

āḳhirash dil ġhurūb hotā hai
jis qadar ham bachā.e rakhte haiñ

dil kī tanhā.ī anjuman apnī
sab se dāman bachā.e rakhte haiñ

javāb dekhiye dil le ke ye kahā chupke
na ho ye aur kisī ko tire sivā ma.alūm

kahā ye maiñ ne mujhe kyā ḳhabar tumhīñ jaano
kisī ke dil kī bhalā jī kisī ko kyā ma.alūm

phir kisī dhyān ke sad-rāhe par
dil-e-hairat-zadā tanhā hogā

ye maza thā dil-lagī kā ki barābar aag lagtī
na tujhe qarār hotā na mujhe qarār hotā

ham dostoñ ke lutf-o-karam dekhte rahe
hote rahe jo dil pe sitam dekhte rahe

ye koī tarīqa hai tanz yuuñ nahīñ karte 'shād'-ārfī-sāhib
aap jaise dil vaale is tarah nahīñ marte 'shād'-ārfī-sāhib

kyuuñ sā rahtā hai kyā sā rahtā hai
dil jo khoyā huā sā rahtā hai

sub.h kā dil kahīñ nahīñ lagtā
shaam kā dam ghuTā sā rahtā hai

dil ke aane kā dil ke jaane kā
ek dhaḌkā lagā sā rahtā hai

ai ḳhalish bol kyā yahī hai ḳhudā
ye jo dil meñ ḳhalā sā rahtā hai

apne dil meñ bhī thī ta.amīr-e-makāñ kī hasrat
apnī qismat meñ magar bādiya-paimā.ī thī

dil ko aatā nahīñ iz.hār-e-mohabbat karnā
aur mujh ko tere inkār se Dar lagtā hai

ḳhayāl-e-nāvak-e-mizhgāñ meñ bas ham sar paTakte haiñ
hamāre dil meñ muddat se ye ḳhār-e-ġham khaTakte haiñ

top-ḳhāne siiñ hamārī aah ke
qil.a-e-dil dhol-dhānī ho gayā