Tags-Dil

koī agar pūchhtā ye ham se batāte ham gar to kyā batāte
bhalā ho sab kā ki ye na pūchhā ki dil pe aisī ḳharāsh kyuuñ hai

ajab do-rāhe pe zindagī hai kabhī havas dil ko khīñchtī hai
kabhī ye sharmindagī hai dil meñ ki itnī fikr-e-ma.āsh kyuuñ hai

rahā na dil meñ vo bedard aur dard rahā
muqīm kaun huā hai maqām kis kā thā

dil meñ kisī ko rakkho dil meñ raho kisī ke
sīkho abhī salīqe kuchh roz dilbarī ke

sochtā huuñ mere dil tak kis tarah pahuñche koī
be-nishāñ ghar ke liye kuchh to nishānī chāhiye

raat guzrī hai hisār-e-karb meñ ai 'maz.harī'
shaam ab dil ke liye koī suhānī chāhiye

agar āñkheñ na bhar aa.eñ to dil muTThī meñ aa.egā
huā hai haal jo merā tumhārā ho bhī saktā hai

dard kī dīvār sar tak aa ga.ī
dil kī bīnā.ī nazar tak aa ga.ī

fazā-e-dil pe taarī hai bahut hī habs kā mausam
tirī qurbat kī ḳhushbū kā vo jhoñkā yaad aatā hai

kabhī jab hijr kī aahaT se dil āñgan meñ aatī hai
bahut apnā.iyat se bas vo apnā yaad aatā hai

aur le jaatā bhī kyā TuuTe hue rishte kā dukh
kāsa-e-dil se lahū āñkhoñ se paanī le gayā

maiñ tumhāre ishq meñ rāt-din jo dikhā.ī detā huuñ mutma.in
mirā ghar hī sirf luTā ho dil to luTā na ho kahīñ yuuñ na ho

mire dil ke diin ko bech kar koī le gayā mujhe khīñch kar
mire añg añg meñ apnā rañg jamānā ho kahīñ yuuñ na ho

koī sho.ala sā jo bhaḌak uThā koī dard sā jo chamak uThā
mare dard dil kā ye āriza bhī purānā ho kahīñ yuuñ na ho

jo hai mere dil kā mo.āmla jo hai nazm-e-dahr se māvarā
kahīñ us ke vāste harf-e-kun hī kahā na ho kahīñ yuuñ na ho

na vo yaar thā na vo dāshta meñ kahāñ panāh tarāshtā
mujhe le ke dil mirā dar-ba-dar hī phirā na ho kahīñ yuuñ na ho

sar-e-rāh siina nikāltā huā aayā thā jo vo ḳhush-nigāh
dil-ishq-ḳhū ko vo par ġhurūr lagā na ho kahīñ yuuñ na ho

na to dil kā na jaañ kā daftar hai
zindagī ik ziyāñ kā daftar hai

ḳhamoshī mire dil ke kone meñ sahmī Darī
shor ke terā ifrīt se bhaag kar

kisī bhī samt koī dil-kushā manzar nahīñ miltā
vafā ke shahr meñ ehsās kā paikar nahīñ miltā