Tags-Dil

uThā bhī ab parda-e-takalluf samā bhī jā dil meñ dard ban kar
rahūñgā kab tak maiñ yūñhī behis kabhī mujhe zindagī milegī

majnūñ kā dil huuñ mahmil-e-lailā se huuñ judā
tanhā phirūñ huuñ dasht meñ juuñ nāla-e-jaras

ai girya us ke dil meñ asar ḳhuub hī kiyā
rotā huuñ jab maiñ sāmne us ke tuude hai hañs

hairāñ huuñ 'mīr' naza.a meñ ab kyā karūñ bhalā
ahvāl-e-dil bahut hai mujhe fursat ik nafas

jigar kahīñ hai kahīñ dil kahīñ haiñ hosh o havās
faqat judā.ī meñ is ghar kā intizām nahīñ

uThāyā dāġh-e-gul afsos tum ne dil pe 'surūr'
maiñ tum se kahtā thā gulshan ko kuchh qayām nahīñ

ye zard chehra ye dard-e-paiham koī sunegā to kyā kahegā
zarā se dil meñ hazār-hā ġham koī sunegā to kyā kahegā

bikharte haiñ tire shānoñ pe gesū aaj bal khā kar
kahīñ barham ye merī kā.enāt-e-dil na ho jaa.e

Tapaktī haiñ ḳhirām-e-nāz se rañgīniyāñ sau sau
mujhe Dar hai ki ye duniyā simaT kar dil na ho jaa.e

qarār-e-iztirāb-e-jān-o-dil 'nayyar' usī se hai
pare gardan se merī ḳhanjar-e-qātil na ho jaa.e

yaad ke ḳhushnumā jazīroñ meñ
dil kī āvārgī sī rahtī hai

kyā ho gayā kaisī rut palTī mirā chain gayā mirī niiñd ga.ī
khultī hī nahīñ ab dil kī kalī mirā chain gayā mirī niiñd ga.ī

kahāñ ga.e vo nasheb-o-farāz yās-o-ummīd
sapāT sā dil-e-vīrāñ hai dekhiye kyā ho

jaane kis or gayā qāfila ummīdoñ kā
dil ke sahrā meñ nahīñ aas kā ḳhema koī

dāman sambhāl bāñdh kamar āstīñ chaḌhā
ḳhanjar nikāl dil meñ agar imtihāñ kī hai

har har nafas meñ dil se nikalne lagā ġhubār
kyā jaane gard-e-rāh ye kis kārvāñ kī hai

tarjumān-e-ġham-e-dil un kī nazar hotī hai
jin ko aatā nahīñ iz.hār-e-tamannā karnā

koshish-e-zabt meñ har saañs qayāmat hai 'urūj'
khel samjhe ho ġham-e-dil ko gavārā karnā

chhup ke rahnā hai jo sab se to ye mushkil kyā hai
tum mire dil meñ raho dil kī tamannā ho kar

tumheñ dil meñ jagah dī thī nazar se duur kyā karte
jo markaz meñ Thahar jaa.e mazāfātī nahīñ hotā