Tags-Dil

huī hai sabt un par mohr-e-ālam
vahī jo faisle dil se hue haiñ

ye dil jab tak zarā Thahrā huā hai
usī ke dam se ham Thahre hue haiñ

jalāo dil ki har saaya ho raushan
añdhere chain se baiThe hue haiñ

dil meñ ik shor uThāte haiñ chale jaate haiñ
aap jazbāt jagāte haiñ chale jaate haiñ

gire jo yaad kī jacket pe yaad ke phāhe
añdhere dil meñ hue ḳhuub valvale raushan

rah ga.iiñ dil meñ hasrateñ 'sālik'
aa ga.ī umr pārsā.ī kī

kiyā hai ḳhuun jis ne mere dil kā
usī kī shādmānī chāhtā huuñ

shorish-e-dil ne jo kahā ham se
is ko ham hukm aap kā samjhe

sulagte daaġh dil se dho rahe the
adhūre ḳhvāb puure ho rahe the

vo shaḳhs-e-itr-badan jab bhī sāmne aayā
dil-o-nazar pe huiiñ gul-o-fashāniyāñ kyā kyā

vo husn aaj bhī hīla-garī meñ yaktā hai
dil-e-ġharīb sunegā kahāniyāñ kyā kyā

dekho bhaa.ī aisā hai
ye dil darpan jaisā hai

mat kahnā patthar ham ko
ye dil mom ke jaisā hai

mahfil meñ sher hī nahīñ kuchh raushnī ba-dosh
anvār ham ne dil kī fazāoñ meñ rakh diye

aañkh uThāo to hijābāt kā ik aalam hai
dil se dekho to koī raah meñ haa.il bhī nahīñ

maiñ faqat insān huuñ hindū musalmāñ kuchh nahīñ
mere dil ke dard meñ tafrīq-e-īmāñ kuchh nahīñ

fazā-e-dil pe udāsī bikhartī jaatī hai
fasurdagī hai ki jaañ tak utartī jaatī hai

kis dil kī baat kaheñ ham tum kis dil kā dard saheñ ham tum
dil patthar hai dil shīsha hai dil sahrā hai dil dariyā hai

kisī bahār kā manzar hai chashm-e-vīrāñ meñ
kisī gulāb kī ḳhushbū dil-e-figār meñ hai

jashn tujh ko mire nau-shāh mubārak ho.e
bazm-e-ishrat tirī dil-ḳhvāh mubārak ho.e