Tags-Dil

zulf-e-jānāñ jis ne dekhī ek baar
dil se apne umr bhar uljhā kiyā

tirā ġham hai daulat-e-dil tirī use āñsuoñ meñ luTā na de
vahī aah naqd-e-hayāt hai jise lab pe lā ke gañvā na de

mire dil kī ḳhud ye majāl thī ki vo shām-e-ġham ko sahar kare
tirī yaad aa ke ghaḌī ghaḌī agar āñsuoñ ko hañsā na de

tire dil pe haq hai jahāñ kā bhī ye farār-e-ishq ravā nahīñ
ġham-dost ḳhuub hai jab talak ġham-e-zindagī ko bhulā na de

ye hastī-o-adam kyuuñ ho fanā kyuuñ ho baqā kyuuñ ho
tumhīñ-tum ho to phir dil meñ ḳhayāl-e-mā-sivā kyuuñ ho

asar se dil ke barham kyuuñ nizām-e-dahr ho jaa.e
ham is se be-vafā kyuuñ hoñ vo ham se bā-vafā kyuuñ ho

yahī kaafī hai marne ke liye ye bhī bahāna hai
zarūrat kyā hai āḳhir dard-e-dil us se sivā kyuuñ ho

din guzarte haiñ jo andesha-o-afkār ke saath
dil dhaḌaktā hai magar rañj-e-girāñ-bār ke saath

vaqt hākim hai kisī roz dilā hī degā
dil ke sailāb-zada shahr pe qabza mujh ko

gosh-e-mushtāq-e-sadā-e-nāla-e-dil ab kahāñ
sher agar dil ke lahū meñ Duub kar nikle to kyā

sunsān kar diyā mire pahlū ko le ke dil
zālim ne luuT kar mirī bastī tabāh kī

ham vo the dil hī dil meñ kiyā zabt-e-rāz-e-ishq
sadme uThā ke mar ga.e muñh se na aah kī

kyuuñ in dinoñ 'hasan' tū itnā jhaTak gayā hai
zālim kahīñ tirā dil kyā phir aTak gayā hai

zindagī ḳhālī ḳhālī lagtī hai
bas yahī soch dil meñ paltī hai

bin tumhāre to suunā sab ghar hai
dil meñ har vaqt ik nayā Dar hai

kis ke nazdīk ab maiñ baiThūñgā
dil kī bāteñ maiñ kis se bolūñgā

ab faqat āh-o-zārī hai dil meñ
ik na.ī jañg jaarī hai dil meñ

ham-nafas tum the tum hī dil-bar the
ham-safar tum the tum hī rahbar the

aap ke jaane se mahsūs kiyā hai dil ne
zindagī chhoḌ ga.ī be-sar-o-sāmān mujhe

siine meñ jaise tiir sā paivast ho gayā
thā kitnā dil-ḳharāsh udāsī kā qahqaha