Tags-Dil

'rashīd' ash.ār mohmal paḌh rahe ho jam.a haiñ shā.ir
ḳhajil hote nahīñ tum dil kī ye āvāz aatī hai

kahne ko to kah dī tū ne apne dil kī saarī baat
sachchā.ī hai lekin ye ki ye bhī saarī baat nahīñ

tere liye hī jiitā huuñ aur tere liye hī martā huuñ
muñh dekhī 'jāved' haiñ bāteñ dil se niklī baat nahīñ

tumheñ jab kabhī mileñ fursateñ mire dil se bojh utaar do
maiñ bahut dinoñ se udaas huuñ mujhe koī shaam udhār do

hijr kī raat mirī jaañ pe banī ho jaise
dil meñ ik yaad ki neze kī anī ho jaise

kis qadar narm o dil-āvez hai ye garm sahar
dhuup mahtāb kī chādar meñ chhanī ho jaise

kabhī siine se bhī phūloñ kī mahak aatī hai
dil meñ bhī koī fazā-e-chamanī ho jaise

dil meñ chubhtī bhī rahī aañkh meñ khubtī bhī rahī
mizha-e-tez ki hiire kī kanī ho jaise

mahfil-e-dost kī raunaq meñ haiñ 'shahzād' magar
dil kā ye haal ġharīb-ul-vatanī ho jaise

ab kisī mashrūb se dil chain pā saktā nahīñ
kaash vo aa kar pilā de teġh kā paanī mujhe

merī qismat meñ likhe the ye unhīñ ke aañsū
dil ke zaḳhmoñ ko siyā hai koī afsos nahīñ

ḳhalish-e-ishq se bechain hai dil ek taraf
is pe yārab ġham-e-hastī bhī uThānā hai hameñ

haa.e vo aag jo mushkil se jalī thī dil meñ
aaj us aag ke sho.aloñ ko bujhānā hai hameñ

sitam hai tere āshiq ke liye bīmār ho jaanā
baḌī aafat hai dal ke haath se nā-chār ho jaanā

badal jaanā nigāhoñ kā to dekhā par nahīñ dekhā
dil-e-āshiq se us kā tiir ban kar paar ho jaanā

Dil-e-pur-ġham raqīb rū-siyah dekhe nahīñ tujh ko
galī meñ us kī jā kar sāya-e-dīvār ho jaanā

nahīñ furqat gavārā tā.ir-e-dil tum ko dilbar ke
pahuñchte hī asīr-e-gesū-e-ḳham-dār ho jaanā

hikāyat-e-ġham-e-duniyā ko chāhiye daftar
varaq varaq mire dil kā risāla kyā kartā

ḳhūn-e-dil-e-āshiq ke us qatre kā kyā kahnā
duniyā-e-vafā jis ne rañgīn banā Daalī

kalkatta ke hasīnoñ ko jab dekh letā huuñ
us vaqt dil meñ hotā hai saudā-e-lucknow