Tags-Dil

dil meñ ḳhayāl-e-gesu-e-mushkīñ hai bad balā
ye murġh-e-rūh ke liye saañp āshiyāñ meñ hai

bahār-rut meñ bichhaḌ ke tujh se jo dil pe guzrī vo dil hī jaane
hameñ to itnā patā hai yaaro lahū tak āñkhoñ meñ aa gayā hai

ham haiñ ki kabhī zabt kā dāman nahīñ chhoḌā
dil hai ki dhaḌakne pe kamar bāñdhe hue hai

har saañs hai ik naġhma har naġhma hai mastāna
kis darja dukhe dil kā rañgīn hai afsāna

in ras bharī ā.ankhoñ se mastī jo Tapaktī hai
hotī hai nazar saaqī dil bantā hai paimāna

afsāna ġham-e-dil kā sunñe ke nahīñ qābil
kah dete haiñ sab hañs kar dīvāna hai dīvāna

ġhalat-fahmiyāñ 'mīt' rakkho na dil meñ
vahī sach nahīñ jitnā tum ne sunā hai

dil pe paḌtī huī duzdīda-nazar koī to hai
jis taraf dekh rahā huuñ maiñ udhar koī to hai

vahī raah miltī hai chal phir ke ham ko
jahāñ ḳhaak meñ dil milā.e ga.e haiñ

mire dil kī kyūñkar na ho pā.emālī
bahut is meñ armān aa.e ga.e haiñ

nigah ko jigar zulf ko dil diyā hai
ye donoñ Thikāne lagā.e ga.e haiñ

duur ho dard-e-dil ye aur dard-e-jigar kisī tarah
aaj to ham-nashīñ use lā mire ghar kisī tarah

tīr-e-mizha ho yaar kā aur nishāna dil mirā
tiir pe tiir tā-ba-kai kiije hazar kisī tarah

naala ho yā ki aah ho shaam ho yā pagāh ho
dil meñ butoñ ke haa.e haa.e kiije asar kisī tarah

ishq meñ dil se ham hue mahv tumhāre ai buto
ḳhālī haiñ chashm-o-dil karo in meñ guzar kisī tarah

kaheñ kyā shab-e-hijr kaTtī hai kyūñ-kar
jo dil par guzartī hai ham jānte haiñ

mire dil kī kuchh qadr hogī unhīñ ko
jo khoTā kharā ḳhuub pahchānte haiñ

dekh miT jā.egā hastī se guzar jā.egā
dil-e-nā-āqebat-andesh unheñ yaad na kar

aap hī apnī jafāoñ pe pashemān haiñ vo
un ko mahjūb ziyāda dil-e-nāshād na kar

ham to jab samjheñ ki haañ dil pe hai qaabū 'bedam'
vo tujhe bhuul ga.e to bhī unheñ yaad na kar