Tags-Dil

le chuke dil to hañs ke farmāyā
kahiye ab āj-kal kahāñ dil hai

ek ġhuncha hai dekhne meñ magar
ġhaur kījiye to gulsitāñ dil hai

hai vo nāvak-fagan sharaf jis ke
nāvak-e-āh kī kamāñ dil hai

ai nigār-e-dil-o-jāñ shauq kī bāhoñ meñ machal
saaya saaya yūñhī āġhosh-e-chaman-zār meñ chal

aaj dil meñ phir ārzū-e-dīd
vaqt kā intizār kartī hai

dil jale yā diyā jale 'shaukat'
raat afsāna kah guzartī hai

hāzir haiñ mere jaib-o-garebāñ kī dhajjiyāñ
ab aur kyā tujhe dil-e-dīvāna chāhiye

mohabbatoñ kī ināyatoñ se huā hai dil ye ḳharāb baabā
ḳhudā-parastī kā taur dekho banā hai kaisā azaab baabā

hazār taftīsh par mujhe ab pata chalā hai ki mere dil ko
bahut hī bechain kar gayā thā sahar se shab kā hijāb baabā

dil terī nazar kī shah pā kar milne ke bahāne DhūñDhe hai
gītoñ kī fazā.eñ māñge hai ġhazloñ ke zamāne DhūñDhe hai

kyā baat hai terī bātoñ kī lahja hai ki hai jaadū koī
har aan fazā meñ dil uḌ kar tāroñ ke ḳhazāne DhūñDhe hai

vo jo rahtī thī dil-mohalle meñ
phir vo laḌkī mujhe milī hī nahīñ

paanī meñ bhī chāñd sitāre ug aate haiñ
aañkh se dil tak vo zarḳhezī ho jaatī hai

chāhne ko tere kyā samjhā thā dil
baare ab is se bhī samjhā chāhiye

koī aarzū nahīñ hai koī mudda.ā nahīñ hai
tirā ġham rahe salāmat mire dil meñ kyā nahīñ hai

tū bachā.e laakh dāman mirā phir bhī hai ye da.avā
tire dil meñ maiñ hī maiñ huuñ koī dūsrā nahīñ hai

tumheñ kah diyā sitam-gar ye qusūr thā zabāñ kā
mujhe tum muaaf kar do mirā dil burā nahīñ hai

hotā hai gul ke sūñghe se duunā girafta dil
mujh sā bhī bad-dimāġh kam is bostāñ meñ hai

dikhlā rahī hai dil kī safā do-jahāñ kī sair
kyā ā.īna lagā huā apne makāñ meñ hai

us dilrubā ke kūche meñ aage havā se jaa.e
itnī to jaan ab bhī tan-e-nā-tavāñ meñ hai