Tags-Dil

ḳhvāb-e-ġhaflat se vahī nisbat hai merī qaum ko
āshiqoñ kā jo ta.alluq dil kī barbādī se hai

ḳhāna-e-dil kī tarah saarī fazā hai ki nahīñ
kis ko ma.alūm ki bāhar bhī havā hai ki nahīñ

dil ke tārīk dar-o-bām se aksar tirā ġham
pūchhtā hai ki koī mere sivā hai ki nahīñ

ai shab-e-hijr zarā der ko bahle to ye dil
dekh 'irfān' kahīñ naġhma-sarā hai ki nahīñ

jī chāhtā hai rāz-e-dil-e-gil to kuchh khule
bulbul kī baat pūchh leñ jā kar kalī se ham

nāz-o-niyāz ishva-o-ġhammāziyāñ na siikh
ai husn kah rahe haiñ dil-e-āshiqī se ham

vo ziina ziina mire dil meñ yuuñ utartā gayā
maiñ rok paatī use mujh meñ hausla kab thā

kuchh intihā nahīñ hai kahāñ tak sunā.iye
qisse darāz haiñ dil-e-nā-ārmīda ke

vo kabhī mere dil meñ rahte haiñ
ye bhī un kā makān hai shāyad

shaiḳh hūroñ pe jaan dete haiñ
dil abhī tak javān hai shāyad

dil samajhtā thā ki ḳhalvat meñ vo tanhā hoñge
maiñ ne parda jo uThāyā to qayāmat niklī

dard kī jot mire dil meñ jagāne vaale
roz paiġhām nayā de ke rulāne vaale

yuuñ abas kisī ko sadā na do dil-e-zār ko ye batā bhī do
kabhī ab na ā.eñge lauT kar vo jo ek baar chale ga.e

jin bātoñ ko sunñā tak bār-e-ḳhātir thā
aaj unhīñ bātoñ se dil bahlā.e hue huuñ

aag thī aisī ki armāñ jal ga.e
dil ke kāġhaz āñsuoñ meñ gal ga.e

ek zarā sī Thes lagī aur TuuT ga.e
dil ke rishte kitne nāzuk hote haiñ

hādisa ye hai ki patthar nahīñ insān huuñ maiñ
dil mirā lāla-e-sahrā to nahīñ ho saktā

is sabab maiñ jañg shāne se karūñ huuñ baar baar
dil huā hai gum mirā us kākul-e-pechāñ ke biich

naqd-e-dil khoyā hai ham ne jaan kar is raah meñ
fil-haqīqat āshiqoñ ko suud hai nuqsāñ ke biich

mīr-e-mahfil na hue garmī-e-mahfil to hue
sham.a-e-tābāñ na sahī jaltā huā dil to hue